مصطفى الحسينى

2011-05-20T23:48:00.000-07:00

موج

تحت موج

فى القلب

تخيل يا أبى.. كل هذا حدث

2011-05-06T06:56:00.000-07:00

كتبت وصيتي (مع أني لم أكن جريئًا كفايه لأموت) ونزلت إلي وسط البلد، كان استقبالاً حافلاً أمام دار القضاء العالي، اصطفت الخرزانات في استقبالنا، وكادوا يعزفون سيمفونية العجز والألم علي قفانا بعد أن ضغطوا صدورنا بحواجزهم يا أبي، لولا أن خرجنا إلي شارع رمسيس وانضم إلينا المئات، لأول مرة في حياتي أري عصا الكهرباء وهي تجري في اتجاهنا، كان هدفنا أن نصل إلي ميدان التحرير، وكان هدفهم أن يصلوا إلي قفانا ولو للحظات، لم أعد صامتًا يا أبي، رغم كل ما قلته لي عن تلك المسافة التي تفصل بين الكلمة العالقة بالحلق وبين اللسان، متي تخرج ومتي تعود إلي الجوف لتصير إلي لا شيء.

لم أعد صامتًا، هتفت مع الآلاف في وسط الميدان بإسقاط النظام، أخذتني تلك النشوة التي أخذت الجميع بأننا استطعنا أن نقولها.. استطعنا، تلك النشوة التي رأيتها في عين كل منا حين كان ينظر لتلك الأعداد من حوله، تخطينا المئتي ألف يا أبي في أول يوم، كسرنا حاجز الخوف الذي كان يقف أكثرنا بخياله خلفه حين كنا نتوقع أن نُضرَب علقة محترمة في هذا اليوم ونعود إلي بيوتنا ليس إلا، رأيتك في الميدان يا أبي أكثر من مرة وفي أماكن متفرقة مع أنك تغيبت في يوم 25 (ربما لأنه لم يقتل منا أحد)، أعرف أنك كنت في وسطنا يوم الجمعة 28 كنت تعيد لهم القنابل المسيلة وتجري بيننا في حواري الجيزه ثم نعود لهم، أنهكناهم يا أبي حتي تركوا لنا الميدان والشوارع، هللنا وصفقنا ونحن نسير من شارع مراد وحتي كوبري الجلاء ونحن نهتف "سلمية سلمية"، مليون وأكثر يا أبي، لم نكن نعرف ما ينتظرنا من كوبري الجلاء وحتي ميدان التحرير، لو أنك تري YouTube لشممت منه رائحة الموت. بكيت بكاءً عارمًا أمام الأوبرا، لا أدري لأي سبب كان غير أني شعرت بقسوة ما يحول بيننا وبين حريتنا. لعلك استقبلت تلك الورود الشابة النضرة التي ضحت بأرواحها لأجل وصولنا الميدان ولأجل بقائنا فيه، ولعلك انتظرتني معهم في تلك الجمعة، غير أني قلت لك (لم أكن جريئًا كفايه لأموت)، صدقني تمنيت لقاءك، حتي أني لم أهرب من الميدان حين أطلقوا علينا الرصاص المطاطي ثم الرصاص الحي من شارع الجامعة الأمريكية، لم أكن لأهرب، إلا أن هناك من اختار أن يتلقي الرصاص بصدرٍ رحب ليسطر بروحه تاريخًا من نور لم نكن جميعًا نتخيله أو نتخيل تلك الكلفة التي دفعوها نيابة عنا.

أربعة عشر يومًا في الميدان يا أبي، نبحث عن أنفسنا من جديد، تلك الأنفس التي كنا نعرفها كانت افتراضية وزهقت حين خرج أول هتافٍ علي ألسنتنا، وولدت لنا أنفس بيضاء جديدة. الميدان كان لنا، صوت بثينة كامل الذي كنت تحبه كان يهتف بيننا، لعلك ضحكت من روحك وقلبك حين رأيت اللوحات وما كتب عليها، كان احتفالاً فنيا وحضاريا يا أبي، رسامون ومغنون وشعراء يصيغون أحلي ما جال بوجداننا، أطباء يداوون مصابينا، وحماه للمداخل ولجان تفتيش وتنظيم، رجال ونساء وأطفال يهتفون بصدق.. تخلصنا من الزيف الذي كان قد حل بنا.. خرجنا يا أبي، صرخنا مطالبين بحريتنا وقلنا للعالم إننا مازلنا أحياء، وقدمنا نموذجًا في الصمود والإصرار والتحضر، لعلك لا تصدق النتائج مثلما لا نصدق نحن حتي الآن، مصر تغيرت، لم يعد هناك أحد مما كانوا يؤرقونك..مصر تغيرت، ولعلك تضغط علي شفتيك الآن وتقول: (ليتني رأيت مصر الحلوة قبل أن أموت).

http://www.rosaonline.net/Daily/News.asp?id=103209

نشرت بتاريخ 2/16- روز اليوسف

شكلى مصرى

2009-10-10T02:11:00.000-07:00

شكلى مصرى

دائمًا ما كان يبتسم ويقول لى: (إنت شكلك مش مصرى). كان مقتنعًا تمامًا أنى أشبه الأسيويون من الباكستان أو الهند أو ماليزيا.. لا أعرف لماذا، ولا أجد أسبابًا لذلك. رغم أن ملامحى تشبه الفراعنة القدماء –على حد وصف زاهى حواس لوجوه الفراعنة- أعتقد أنى لم أكن أفهم تحديدًا ما يقصد ساعتها. لكنى فهمت الآن.

أحاول أن أتخطى شارع الأزهر بوسط البلد.. فى طريقى لإحدى شركات الشحن للمحافظات.. كنت دائمًا ما أستمتع برؤية المعمار الإسلامى القديم فى بعض منشآت هذا الشارع من مساجد وبيوت قديمة، رغم الزحام الشديد. لكنها الذكريات التى تحملنى فوق الزحام، وتضع أمام عيني صورتى مع أبى وعائلتى ونحن نمر إلى طريق مسجد الحسين. كنت أحس وانا فى يده ورأسى بعد ركبته بقليل أن العالم كله فى هذا الشارع. البنايات والمقاهى والمساجد والمحلات وبائع العرقسوس والساقى الذى يحمل القربة، ماء الموَّرْد. كان يتملكنى ساعتها شعور بأنى فى عالم سحرى وانى أرى المماليك والجند القدماء وشاهبندر التجار والأقمشة الحريرية وعربات الخيول وصوت جارية الأمير الذى يطرق أذني وأجول بعينى لأبحث عنها فألمحها مطلة من عربة وحولها الحراس.

شارع الأزهر وأنا. وكل ما لا يراه الناس. أسير الآن بين تلك الكتل من البشر بين بائع السجاد ومحل عصير المانجو. لا أرى فرقًا بينهما. تطرق عقلى فى تلك اللحظة كلمات صديقى القديم عن أنى لست مصريًا. أداول الكلمات وأستعين بخيالاتى وأفكر. أسحب قدمى لأعلى حتى لا أدهس يد احد الشحاذين ممن لديهم القدرة ان يتمددوا بأجسادهم بين هذا الزحام. أقول فى نفسى:(ماذا كان يقصد؟) وانحنى حتى لا تضيع رأسى بكارتونة يحملها أحدهم على كتفه ويمر فى اتجاهى. أفكر.. لا أشبه الباكستانيون او الهنود. شعرى خفيف ولا يميل إلى السمرة الداكنة. أفادى إمرأة كادت تصعد فوق قدمي. وأفكر.. هل كان يداعبنى فقط أم يسخر منى؟. ألمح مرآة كبيرة وضعت بزاوية مائلة فى واجهة أحد المحال. أرى فيها وجهى وجسدى وسط الآخرين حولى. تهدأ خطوتى حتى أكاد أتوقف تمامًا وأتأمل.. واجعل صوت الضجيج فى الهامش. أنظر إلى وجهى المجهد. أتفحصه. وملابسى المتربة. وعروق رقبتى التى ظهرت أمامى. نظرت ببطء إلى البشر من حولى. فرغت الصورة من الصوت وقارنت ملامحنا جميعًا فلم أجد ما يفرقنا.. لا فى الوجوه المجهدة ولا الملابس المتربة المتهدلة ولا فى عروق الرقاب التى ظهرت جلية. رددت فى داخلى: (كان يسخر منى.. نعم.. انا شكلى مصرى جدّا.. مصرى)

وكأنى أرى الآن صديقى يقف أمامى ويلوى كفه تحت ذقنه ويضحك. وكأنى أسمعه وهو لازال يسخر منى ومن دهشتى مما اكتشفته الآن فقط.. ويقول بصوت يهز شارع الأزهر:

"أخيرًا ستصمت عن حكاياتك التى تراها وحدك".

علامات الصمت

2009-07-04T14:06:00.000-07:00

علامات الصمت

فى عيد ميلادك، أكتب. وكأنى لا أثق أبدًفى موت، ولا أعتد بما قد مر على فراقك، لأحكى لك، فربماتكون هى بداية الحكى وربما ما تعيه أنت يقرب المسافة ويشعرك بصدقى نحو ما قد مر بنا.

ربما هى اللحظات أيًا كان وصفها.. هادئة مستقرة، أم متوترة حزينة، أم بلا معنى.

ثلاثون شهرًا هى مقدار ما وقر فى القلب من الحزن والصمت، دون وعى منى ولا رغبة منك فيما حدث. لكنها العلامات التى ترشدنا إلى ما هو أبعد من خيالاتنا، ترشدنا إلى الخيوط التى تربط بين أفكارنا وبين ما يبدو حقيقة واقعة.

أكتب لك. لعلى أكشف ما تركته لى، وما لم أقبل به حينها ولم أرفضه. وكيف لى أن أفعل دون سابق تدبير وفهم لما أنا فيه الآن. وتلك الخيالات التى أطبق عيني أمامها فتسكن بين جفني وتطبق هى علي. أى طريقة أمحو بها صورة خروجك النهائى. وأى طريقة أكشط بها ملمس جلدك فى باطن كفي وقت غسلك الأخير الأبدى. وأى طريقة أغسل بها باطنى من حرقة كلما مر اسمك حولى فلامس أذنى. أى نوم هادىء يرضى بى الآن دون أن تخايلنى بوجهك. وأى صباح يتركنى لحالى ويغمض نوره عنى حين أمر بمستشفى اكتو ولا أا أفتح عيني لواجهتها فتلوح لى. وأى مساء يتكرر دون ملل حين أعود من نفس اطريق ولا تمل نت من التلويح. أى ابتسامة تضعها فى طريقى وتمضى دون ان تفسر معناها. وأى حوار مفقود بينى وبينك كان لنا أن نكمله. لم أكن أعرف أن موتك سيفعل بى كل ذلك.

حرية بارك

2009-05-22T17:51:00.000-07:00

حرية بارك

أنا من مواليد ميت عقبة. ولا زلت أحب هذا المكان وأحن له حتى بعد أن انتقلت إلى إمبابة ثم إلى 6 أكتوبر الآن. لازلت أذكر ميت عقبه وشارع الغريب وشارع المشروع والصحفيين، وأذكرها أكثر فى وقت الروقان كما يقولون، حين أحب أن أجالس أصدقائى لنحكى فى اى شىء إلا الشغل لنفرغ ما لدينا من ضغوط، وبما أنى عرفت أبو كمال على كبر فكان علىّ أن أحكى له عن ميت عقبة وأهلها الطيبين وعن مولد سيدى الغريب الذى كان يتحول إلى احتفال شعبى كل سنة وأحكى له عن مطعم سوسو والطعمية بالسمسم السخنة وعصير القصب باللبن وعن كشرى حمادة، وكان عليه بدوره –بعد أن يسمع كل الحكايات- أن يطلب إلىّ أن نذهب لنجلس هناك ولو على مقهى لنستمتع بهذا الجو الإنسانى الجميل.

شارع المشروع كان هادئًا هذا اليوم كما هو دائمًا وأكثر، طوال الطريق كنت أشكر أبو كمال لأنه جعلنا نأتى إلى ميت عقبة، فرجته على مدرستى الثانوى وعلى بيتنا القديم، ثم تحركنا نبحث عن مقهى. "الحاج عصام أبو وهبة عضو المجلس المحلى يشكر أهالى العجوزة الكرام وجميع القيادات الشعبية والحزبية على الثقة الغالية.. وكل عام وأنتم بخير". كانت اليافطة الإعلانية على الرصيف بصورة رقيقة بالشنب للحاج عصام وهبة مبتسمًا، وعلى الناصية مقهى كلاسيكى هادئ له طابع تراثى، الطاولات والكراسى من الخشب المشغول بالأرابيسك والجدران مقسمة بشكل الحجارة الكبيرة. إلى الجانب كان يجلس رجل بشنب على مكتب صغير وجواره شيشه، يشبه الرجل على اليافطة الإعلانية وكأنه هو. جلسنا، كانت ثلاث طاولات فقط هى المشغولة، أبو كمال يتفقد المكان وينظر إلى الحاج أبو وهبة وإلى شنبه العظيم، فى حين أنظر أنا بتأثر إلى جدران المقهى وأتشمم رائحة المكان وأبحث عن عبق التاريخ والذكريات، لا نسمع صوتًا فى المقهى غير صوت التليفزيون الخافت وصورة قناة art الرياضية. نبدأ أنا وأبو كمال كالعادة من نصف الحكاية أو الموضوع وكأنه تدريب على الارتجال، أنا وهو والحكايات عن أى شىء فقد اتفقنا أنه لا حديث عن الشغل الليلة، الطاولات تمتلئ واحدة بعد أخرى والصوت يرتفع شيئًا فشيئًا ليغطى على art، وبدأنا نسمع صوت زهر الطاولة حتى تحرك صوت الحاج أبو وهبة من مكانه:
- الصوت يا رجاله.. إلعبوا من غير صوت يا بلاش لعب خالص
وكانت هذه هى البداية فقط وبعدها آنسنا صوت أبو وهبة كثيرًا، كلما علا صوت سواء بكلام أو بضحك نسمع موسيقى الحاج عصام:
- صوتك يا أستاذ.. بلاش الصوت العالى بعد إذنكم
ولا يرد أحد. أبو كمال بدأ يقلق وأنا عامل نفسى مش واخد بالى وأبتسم بكسوف لأبو كمال الذى يريد أن يقول لى حاجه مش لطيفه ويمنع نفسه. صوت أبو وهبة بدأ يزمجر فى اتجاه أحد الطاولات:
- أنا مش قلت الصوت؟ هو البهوات مابيفهموش عربى ولا إيه؟
وبدأ الرد:
- إيه يا حاج؟ إحنا صوتنا مش عالى.. وبعدين دى قهوه مش جامع
- جامع مش جامع وطى صوتك انت وهو يا إما اتفضلوا من هنا
- إحنا قاعدين بفلوس مش ببلاش عشان تقولنا اتفضلوا
وهنا انقطع الشريط بنفره من الحاج عصام أبو وهبة:
- فلوس إيه يا ابو فلوس
(ووجه رأسه ناحية النَصَبَه)
- يا خالد.. اقفل على باقى المشاريب هنا وما تاخدش حاجه م البهوات.. شكرًا اتفضلوا.. شيل يا ابنى الطاوله دى
قبل أن يردوا حتى كان وقف وأشار بيده إلى الخارج، فخرجوا بدون صوت. أنا غرقان فى هدومى من أبو كمال الذى ينظر لى ويمنع ضحكته الأسطورية ويريد أن يقول "ناس طيبين فعلاً ويغنى لى أغنية الترابط الاجتماعى: وردى وردى وردى وردى وردى " فبادرته:
- أهل منطقه واحده.. منهم فيهم.. شايف احترموه ومشيوا علطول ازاى
فضحك أبو كمال وقال:
- أيوه.. أيوه شايف
ففاجأه صوت أبو وهبة:
- وبعدين بقى فى اليوم ده.. إطفى السوجاره دى يا كابتن.. الدخان عبأ المكان
- يا حاج سوجارة إيه؟ مش كفاية مافيش شيش فى القهوه؟
- إطفى السوجاره يا تشربها بره.. ما تقوليش شيش وبتاع وتغير الكلام
تحرك الشاب وهو يقول له:
- أنا مش قاعد هنا تانى.. شكرًا يا حاج
- الشكر لله يا كابتن.. شيل يا ابنى باقى الطاوله من كل الترابيزات، إحنا مش ناقصين وش.. اللى عايز يقعد.. يقعد هادى ورزين

تحرك أبو كمال فى مكانه ونفخ فى وجهى بضيق –وأنا عامل عبيط- ولا أجد ما أقوله بعد كلام الحاج أبو وهبة وأفكر فى نفسى فى هذه الصدفة السيئة التى ستقطع رجل أبو كمال من هذا المكان، قال أبو كمال:
- مش ياللا بينا ولا انت مستنى دورنا
قلت بسرعة وبصوت منخفض:
- يا عم إحنا مالنا.. إحنا زى الفل لا بنلعب طاوله ولا بندخن ولا بنتكلم بصوت عالى، يعنى الحياه جميله.. مالوش دعوه بينا
كان أبو وهبة واقف فوق روؤسنا ويقول:
- يا مرحب بالأساتذه المحترمين
فانتفضنا ورددنا فى صوت واحد:
- ربنا يخليك يا حاج
- شوف يا خالد الأساتذه تشرب إيه (وأشار للقهوجى)
- شكرًا يا حاج شربنا
- تانى.. ده انتو ناس محترمين وأول مره تقعدوا عندنا.. شوف يا خالد (وتحرك إلى لسانه)
فردت صدرى وقلت لأبو كمال:
- شفت الناس؟ مش قلتلك؟ إحنا كده فرخه بكشك عنده، لا تدخين ولا لعب ولا صوت عالى
شربنا وعدنا كما كنا، والمقهى تقريبًا لم يعد به أحد إلا نحن فهدأ الرجل تمامًا يدخن الشيشه ويتابع التليفزيون، وظل الوضع هكذا حتى إتسحب أبو كمال من لسانه وقال ولا أعرف ما المناسبة:
- عايزين نروح الاستاد بعد بكره
- ليه؟
- ليه إيه يا عم النايم.. ماتش الأهلى وطلائع الجيش ويعتبر نهاية الدورى سواء اتعادلنا أو فوزنا هناخد الدورى فى الماتش ده
- طب فل.. نروح بس على الله الجمهور يعمل زى كل مره
- كل مره إيه.. هو مافيش إلا يوم ماتش الزمالك اللى فات.. ومش جمهور الأهلى اللى بدأ شتيمه وكان كله بسبب الواد شيكابالا أما وقف قدامنا وعمل حركات وسخه بإيديه.. هيج الجمهور
- أيوه يا عم بس جمهور الأهلى محترم كان لازم يفهم انه بيستفزه.
أبو كمال اتشد وقال بعصبيه مااعتقدش كان وقتها خالص:
- الزمالك ده فريق بوابين أساسًا وجمهورهم اتعلم منهم.. دول كل ماتش يعملوا كد...
حاولت أقاطعه ليخفض صوته لكن سبق السيف كل حاجه، ووقف أبو هبه ملوحًا بيده وهو يتحرك نحونا بالتصوير البطىء وشنبه يهتز وهو يصرخ بشلاضيمه وأنا أتخيله مثل محمد رضا فى فيلم 30 يوم فى السجن بعد أن أكل الرز بلبن بالشبًّه ويشير بيده خارج المقهى ويقول:
- إ طـ ل ل لـ عـ و ااا بـ رررره
بـ رررررررررره
قبل أن يصل إلينا كان أبو كمال قفشنى من قفاى وخرج من المقهى وهو يتحفنى بكل ما لديه من رقه وعذوبه، ولم يكن محمد رضا قد انتهى ولكن بطريقه أسرع وكان قد خرج من المقهى ووقف إلى جانب صورته على اليافطه الإعلانية، بحلق لها للحظه وابتسم ثم عاد لتكشيرته وصرخ بنفس هزة الشنب:
- زمالك إيه يا معـ...... ده احنا هنمسح بيكو الأرض.. قال أهلى قال، ده احنا هنقلعكوا هدومكوا.
وظل يصوصو بشلاضيمه الرقيقه حتى خرجنا من ميت عقبه.

غاية مُناك

2009-03-12T13:27:00.000-07:00

غاية مُناك ..

تخرج برىء من كل شىء

نابك من الدنيا

كأن رد سؤال بآه أو لأ

ماتشيلش حمل المعجزات اللى اختفت م الكون

ولا حكمة الموت والوجود،

والأسئلة والملك

ما يبانش من خوفك شروق

تخرج .. برىء

إنسان وبس .

من ديوانى الأول "تحت خط الضحك" عن المجلس الأعلى للثقافة

2009-03-04T11:15:00.000-08:00

عن الدهشة.. والطفل الذى أحب بنتًا كانت تبكى كثيرًا

بيضاء
خالصة
وهو دائمًا ما كان يقف عند البدايات،يشعر بالطمأنينة حين يبكى، يشعر بالبكاء دون أن يتلمسه
يبحث فى أركانه عنه، حيث يكمن الحب، ويكمن الخوف . ليست إلا محاولات وسبلاً يسلكها بعينيه دون أن يخطو خطوة
فكيف للبكاء أن يأتى دون عناء
هى لا تفكر فى كل ذلك ، لا تبحث عن السبل لا تريد أن تنظر حولها بإمعان
فقط تبكى
دون وصف ولا تحليل ولا منطقة، لم تكن لتجهد نفسها أكثر لتعرف لما تبكى
وجهها الطفولى كان يذكره بنفسه، يغرق فى روحها البيضاء دون أن تنظر له
لم يكن ثمة وقت

هو الآن يغرق فى نفسه، يداعب روحه المكدسة بها
ويسأل عن الدهشة دون تراجع ، ويحاول أن يمسك الخيط، يراقب الأشياء ويحدق فى العالم ويتفرج ويأهب نفسه ويشحذها كى يمسك بالدهشة حين تمر
أى دهشة؟
لا يعرف
لكنه ينتظر وعينيه مفتوحتين

أنا ودار الشروق

2009-01-19T16:02:00.000-08:00

أنا.. ودار الشروق

( الدنيا أوضه وصاله )

أبو كمال دايمًا بيقوللى كده وبيبقى متضايق أوى لأن الدنيا فعلاً ضيقه

وانا علشان بحب ابو كمال ما كنتش عايز أأكد لنفسى ولا لأبوكمال الكلام ده لكن مش هاين عليا أضيع الفرصه دى

(وابقى أحكيلكوا بعدين عن الموضوع ده)

كتابى الجاى فى دار الشروق

بحكى فيه عن القهاوى اللى قضيت فيها أوقات طويله سواء بمذاجى أو كنت مضطر

بحكى عن أغرب الحاجات اللى شوفتها وأغرب الناس اللى قابلتهم فيها وأغرب المواقف اللى حصلتلى أنا وابو كمال أو انا وحسام صاحبى القديم

بحكى عن أحاسيس بسيطة وأحلام بسيطة

وعن دنيا تانيه

اسمها القهوة

-----------------------

قهوة المصريين

يصدر فى معرض الكتاب

عن دار الشروق

صاحب الدهشة

2009-01-01T17:10:00.000-08:00

أبى.. صاحب الدهشة

أنا..

بلا ذكريات.

هكذا أحب أن أكتفى باللحظة الحاضرة –أو أوهم نفسى بذلك- وأحب أن أفتخر أمام نفسى أنى أنسى سريعًا ما مضى، وأبتسم لما سيأتى. لكن أبى مش مبسوط كده، وينتهز أى فرصة ليهبط على رأسى ويذكرنى ويحكى لى ما يحلو له. هكذا هو، يأتى ويشاور لى ويقول بهدوءه الأنيق: (انت بتشتغل نفسك يا ابو درش) ويبتسم.

أعرف أن أبى يقاوح ولا يريد أن يصدق أنه مات من أكثر من سنتين.. ماااااات، (طب أفهمه ازاى) لكنى أحبه وأصدقه وأتركه يحكى –وليس أفضل من هذه الفرصة ليأتينى وأنا أكتب عن المقاهى وأحكى عنها- تمنينا دائمًا أن نكون صديقين، أن أسمعه ويسمعنى بلا تكليف، وينتهى الكلام بيننا بأن أحضنه مثلاً وأشكره على سعة صدره، وأن يشكرنى لأنى أحسن صديق له، أن أطلب منه ألا يقول لأحد ما قلته له، فأنا أثق به كصديق، وأن يؤكد هو علي ألا أقول ما قاله لى لأمى ويترجانى ثم يهدد فى النهاية بأنه سيقطع صداقته بى إن خرجت كلمة، واحتمال يقطع المصروف والمعونات كمان. تمنينا وتمنينا وتمنينا.. حتى قلت له وهو يرقد فى آخر مستشفى:

(عاجبك كده يا عم الحاج؟.. آديك بتموت.)

أنا وهو الآن فى قهوة حسن القريبة من شارع الأزهر. المكان كأنه لوحة فنية بالألوان الزيت وخصوصًا القهوة ومعمارها المملوكى وكأننا رجعنا 700 سنة أو أكثر. حملنى بيديه من تحت إبطي وأجلسنى على الكرسى الخشب الأصفر فتعلقت رجلي فى الهواء، وجهه كان محمرًا وتلعثم وهو يقول لى: معلش.

فاستغربت وقلت له:

- معلش على إيه يا بابا.. إيه اللى حصل؟.

فتلفت للمقهى حوله وقال لى بنفس الصوت الخجلان:

- إنى قعدتك على قهوة يعنى وانت لسه صغير.. بس انا تعبت من المشى

فمرجحت رجليا وقلت وأنا بضحك:

- ده مكان حلو.. بس شربنى كوكاكولا.

كنا مجهدين، فاليوم كان طويلاً فى زيارة سيدى على نور الدين وسيدنا الحسين والسيدة نفيسة والسيدة زينب، أبى كان مداومًا على زيارتهم كل شهرين أو ثلاثة وكان يأخذنى معه.

تقدم إلينا سليمان القهوجى (كما قال اسمه لأبى حين سأله كالعادة عن اسم الكريم) بجلبابه الأبيض الناصع، رحب بأبى وسأله:

- تشرب إيه يا بيه؟

فرد أبى:

- شاى خفيف

فنزل بصدره وأشار لى وهو يبتسم:

- والافندى الصغير؟

فرددت وكأنى أنتظر صوته:

- أنا كبير على فكره

فقال له أبى وهو يضحك:

- هات له كوكاكولا

كانت المرة الأولى التى أجلس فيها إلى مقهى وتقريبًا –كما عرفت بعد ذلك بكثير- أنها كانت المرة الأولى أو الثانية لأبى، ففهمت لماذا كان يعتذر، كان غريبًا لى حين عرفت أنه لم يجلس أبدًا إلى مقهى فاندهشت لدرجة أنى لم أعلق ولم أسأل. وضع سليمان المشاريب أمامنا وهو يقول:

- أسقع كوكاكولا للافندى الكبير.( وخدوده تهتز من الضحك وأنا أنظر له دون حركة فانكسف وتحرك وهو يضرب كفًا بكف)

أشار أبى أمام وجهى المتنح لسليمان وسألنى:

- إتبسطت انهارده؟

- أيوه.. الطعمية السخنة اللى عند سيدى على نور الدين كانت حلوة

- بس... ده اللى عجبك؟ (وهو يخبطنى على رأسى)

- لأ اتبسطت.. أنا بحب اروح معاك سيدى على وسيدنا الحسين، بس عايز أطلب منك حاجه

- أطلب

- خدنى معاك فى كل حته تروحها

- بس كده.. حاضر يا أستاذ

يومها كان أبى فى نفس سنى أو أكبر قليلاً.. خمس سنوات. حكى لى عن أبيه وكيف أنه كان يمنعه عن المقاهى وجلسات الأصدقاء، حكى عن حفلة أم كلثوم الوحيدة التى حضرها دون أن يعلم أحد، ذهب إليها وحده، لم يكن لديه أصدقاء، ولم يكن ليرضى جدى أن أن يصحبه، إبتسم لى وقبل رأسى وأنا أقول له:

- يا عم ولا يهمك.. أنا أوديك حفلات محمد فؤاد وعمرو دياب لو عايز ونقعد على القهوة كل يوم كمان

فرحت جدًا لما شفته بيبتسم وفهمت أنه وافق.. وإلا لماذا يقبل رأسى!

قال لى وهو ينهى كوب الشاى:

- خلص إزازتك علشان نمشى.. ولا انت مش عايز تروح؟

- بصراحة..لأ

- طب ياللا يا غلباوى.. اتأخرنا على ماما

نطيت من الكرسى وقلت له:

- أنا عايز ادخل الحمام قبل ما نمشى

- مش هتقدر تستحمل للبيت؟

- لأ

- طب ثوانى (ونادى لسليمان القهوجى)

- أؤمر يا بيه

- فى حمام هنا؟

- فى مبوله آخر القهوة على اليمين

- مفيش حمام عادى

- لأ والله يا بيه

فتحركت خطوة للداخل وأنا أقول:

- عادى.. هتنفع البتاعه المبولة دى

فقال أبى:

- استنى يا مصطفى انا هاجى معاك اساعدك

(خدود سليمان تهتز من الضحك وهو يشير لى ويقول):

- مش هيطول المبولة أصلاً يا بيه

وقف أبى وتحرك نحوى فأشرت له بكف يدى أوقفه وأنا أتحرك للداخل وأقول:

- أنا هتصرف.. شوف انت بس خدود عمو سليمان مالها على ما اخلص واجيلك.

قهوة الريفيرا

2008-12-22T12:42:00.000-08:00

قهوة الريفيرا

لازالت هناك دهشة

معرفتى بممثلى المسرح علمتنى ذلك، والسبيل إلى الدهشة هو انتظارها فقط..لا البحث عنها. هم يقولون ذلك.

ومعرفتى بعبد اللطيف كانت دائمًا دليلاً قاطعًا على أن الدهشة تحب أن تأتى أحيانًا لتجلس بين الناس. كنا نحب أن تجمعنا شقة بولاق الدكرور أنا وهو وأبو كمال حين نحب أن نبكى أو نرى ما يمكن أن يفعله الصمت بعد بكاء شديد، عبد اللطيف هو من كان يعرف من أين يبدأ الكلام وأين ينتهى، حين يطفأ هو أنوار الشقة بيده ويطمئن علينا ويغطينا وينام هو فى الغرفة الأخرى أو على كنبة الأنتريه، ولكن الظروف تغيرت الآن فقد تزوج عبد اللطيف وأنا كذلك أما أبوكمال فيقع على نفسه من الضحك كلما تذكر أن هذا حدث فعلاً. المقاهى أصبحت تلمنا الآن نحن الثلاثة مرة كل شهر مثلاً حين نحب أن نرى بعضنا ونحن فى كامل قوتنا فقط بل بكاء. صديقنا المندهش هو من اقترح مقهى الريفيرا بشارع فيصل ناحية شارع العريش، مكان يعرفه ويعرف أنه هادىء وكما يقول هو أنه مكان جديد وبيخرج طاقة إيجابية وفاتح 24 ساعة نلف براحتنا ونروح نقعد فيه شويه.

أنا وابو كمال نترك له الاختيار فنحن معًا أكثر الوقت أما هو فيجالسنا فى الشهر مرة. الريفيرا مقهى كبير ومتسع فى دور ثان فى عمارة ضخمة، ومع أنه فى مكان نظيف وغال الثمن إلا أنه مقهى كلاسيكى وطريقة تجهيزه تشبه المقاهى البلدى إلى حد كبير. كنا هنك فى الرابعة والنصف صباحًا بعد أن دخلنا سينما الهرم حفلة 12 ولفينا فى شارع فيصل حبه نحكى فى أى شىء وعبد اللطيف عزمنا على مسمط (مش عارف ليه) أكلنا وملأنا التنك تمام ولم يتبق إلا كباية شاى بالنعناع لتحبس الخزعبلات التى بلعناها.

- حبايبنا.. إيه الأخبار.. نورتو المكان.

قالها القهوجى الذى يشبه رجال خدمة العملاء فى شركة بوتاجازات وهو مبتسم ابتسامة مبالغ فيها.

جلسنا وطلبنا الشاى أبو نعناع واسترخينا فتحركت أنا فى الكرسى يمينًا ويسارًا فقال عبد اللطيف: غير يا بابا الكرسى علشان المسند بتاعه مش مظبوط عشان ضهرك يرتاح. فقلت: مش مهم بقى عادى. فصمم أن أغيره وشد كرسى من جواره وغيرت الكرسى. كنا وحدنا فى المقهى فقلل القهوجى الإضاءة شيئًا ما وحول التليفزيون من قناة Mazzika إلى قناة المجد وهدأ الصوت، نزل الشاى وهو يقول:

- نصطبح بالقرآن الكريم عشان ناخد بركة الصبح.. ولا إيه يا بشوات.

فهززت رأسى أنا وابو كمال نوافقه لينجز ويتركنا. لحظات ودخلت المقهى امرأة ترتدى عباءة سوداء لامعة بدون زراير تمسكها بإحكام من الوسط وخلفها رجل قصير فكرنى بفاروق فلوكس غير أن لبسه مبهدل، سلمت على القهوجى بحميمية وتحركت ناحية الحمام فى آخر المقهى وجلس فاروق فلوكس على طاولة وسط المقهى دون كلام. أبو كمال كان يحكى لحظتها عن محمود الخطيب وماتشات الأهلى القديمة وعن أبيه وكيف أنه كان مزاج عنده أن يلعب معه وقت ماتشات الأهلى وأبوه كان صبورًا ولا يريد أن يغضبه إلا حين يلمس الخطيب الكره فيتحول كل الصبر إلى صراخ فيه، وعبد اللطيف يقول له: يا راجل.. يااه ويضحك .. أبوك ده غريب أوى. وخرجت المرأة من الحمام يبدو أنها هى التى دخلت ولكن أصبحت ببنطلون جينز وبلوزة بيضاء قصيرة وشعرها مربوط. قبل أن تجلس كانت امرأة أخرى ترتدى نفس العباءة تقريبًا ولكن مدهولة وتظهر ألوان من تحتها دخلت المقهى ببطء وهى لا تكاد تتوازن، لم تسلم على أحد وجلست معهم وهم يتبادلون النظرات، تابعتهم لحظات ظلوا صامتين فيها ثم سرحت عنهم حتى أفقت على صوت المرأة التى دخلت وحدها تصرخ فيهما بصوتها الخشن ورأسها يكاد يلتصق بالطاولة:

- إنتوا مش كل يوم تقولولى نفس الحوار ده.

- حوار إيه يا زوبا ( رد عليها الرجل بلطف وهو يضع إصبعه أسفل وجهه)

- أنا اشتغلت وتعبت ما تجوش تقولولى النقطه والزفت ماليش دعوه بكل ده.

( كان عبد اللطيف وابو كمال قطعا الكلام وانتبها لهم معى)

صرخت المرأة الأولى:

- اخلصى يا بت مش كل يوم البقين الحمضانين دول كل واحد على قد شغله.. يا بت ده انتى بتترعشى مش بتهزى.. ده كويس ان فى نقطه أصلاً.

(القهوجى وكأنه لا يسمعه أو معتاد على ما يقولون)

قامت زوبا منتفضة وهى تدفع الكرسى للخلف بحركتها غير المتزنة:

- أنا برعش.. طب تصدقى بإيه انتى ما تفهميش حاجه فى الرقص ( كادت تقع وهى تشير لفلوكس) ولا انت كمان، ونادت على القهوجى: يا خاالد.. تعالى.. تعالى (فلم يلتفت حتى لها) فتلفتت تبحث عن أى أحد فوجدتنا أمامها قالت لهم: بلاش خالد الناس اهه.. ناس حلوه وعسل اهه ( أبعدت الكرسى واقتربت متمايلة نحونا وهى تلقى العباءة من على كتفيها فظهرت بدلة الرقص وقالت: احكموا انتوا بقى عشان مش عايزين يدونى حقى، وبدأت ترقص وتنظر لنا واحنا متنحين مش فاهمين أى حاجه ولم نقدر أن نلفظ بكلمة واحدة فصرخت فينا: هاا قولوا رأيكوا ياللا قولولها انى أحسن رقاصه فى مصر. فى هذه الأثناء كانت المرأة الأخرى قد أخرجت مالاً وضعته على الطاولة وخرجت وخلفها الرجل، والمرأة لا زالت ترقص حتى وقعت فأسندها القهوجى وأجلسها على الطاولة وهو يلفها بالعباءة واحنا متسمرين وهى لازالت تقول: قولولها بقى قولولها.

وضع القهوجى المال فى حقيبتها وكأنه معتاد على ذلك أيضًا وتركها وعاد كما كان، وساد الصمت والذهول والتتنيح للحظات تحرك بعدها عبد اللطيف من مكانه وهو يقول:

- أنا هشوف الست دى مالها. (فأمسكته من يده وقلتله)

- اقعد يا عم انت وبطل.. دى ست لاسعه احنا مش ناقصين

شد يده من يدى وتحرك نحوها وهو يقول: خمسه وجاى.

قلت لابوكمال: ياعم شوف الواد ده.. دى رقاصه ممكن تشرشحه وتفرج علينا شارع فيصل كله. وابو كمال اكتفى بمتابعته فأجبرنى أعمل زيه.

اقترب منها بهدوء. سحب كرسى وجلس كانت هى شبه نامت على الطاولة، كل ما قاله: - هو إيه اللى حصل.. الناس دى مالها بيكى.

ردت وهى فى وضعها وكأنها تنتظر السؤال:

- من يوم ما هيما مات وانا بقيت ملطشه بيودوا ويجيبوا فيا وينهشوا زى ما هما عايزين، قال تقولى بترعش ده انا أحسن رقاصه فى مصر، تعرف البت دى اللى كانت قاعده هنا دى بت جربانه ملهاش فى الرقص ولا الزفت غيرش بس هيا الدنيا اما تحكم الخلق الواطيه، عامله فيها اسطى تطلع 5 دقايق تهز وسطها وتركن على كده وانا جسمى يتكركب ووسطى يتفك باقى الليله وفى الآخر ترميلى شوية فكه وتشفط هيا البهاريز (وترفع راسها له) بقى ده يرضى ربنا.. هه.. انت احكم انت، انا برقص وحش؟ وعبد اللطيف عامل زى كائن فضائى لسه نازل الأرض ومبلم للجنس البشرى مش فاهم إيه ده، وقبل ما ينطق دخل القهوه كاوتش منفوخ على هيئة إنسان وقف على راسه وسند على كتف زوبا وقال له:

- فى حاجه يا برنس.. أأمرنى حضرتك

(كان القهوجى شاور للرجل الكاوتش وهو داخل يهدئه وتحركنا انا وابو كمال لنلحق حياة عبد اللطيف فشاور لنا القهوجى يهدئنا ويشير وهو مبتسم بأن نجلس)

قالت المرأه لعبد اللطيف الملتصق بالكرسى:

- أهه هيما جه عشان يجيبلى حقى وينصفنى عليهم، قوله يا هيما انى أحسن رقاصه فى مصر.

تحرك عبد اللطيف من مكانه وهو يتنحنح وقد شككنا أنه هيسترجع ذكريات الكونج فو لكنه تحرك إلينا وجلس فى صمت واحنا خايفين نضحك علشان الرجل الكاوتش الذى تحرك وهو يمسك بزوبا ناحية الحمام، فابتسمنا نكتم ضحكنا وعبد اللطيف ينظر للطاولة وهو يرفع نظارته بإصبعه، دقائق جلسناها مبتسمين فى صمت حتى خرج الرجل الكاوتش وزوبا فى يده أو كأنها هى ببنطلون جينز وبلوزة بنى طويله وعلى كتفيها شال أبيض وخرجا صامتين، انفجرنا فى الضحك حتى رفع عبد اللطيف رأسه وإصبعه على النظارة وهو يقول باندهاش:

- الست دى غريبه فعلاً.

الحزن أكبر بكثير

2008-12-16T13:19:00.000-08:00

الحزن أكبر بكثير

(1)

اسم طفلها على اسمى. أعتقد أن هذا اكبر دليل على أنها لا تذكرنى على الإطلاق. هى أول من تعبث به.. ولا تأبه. فليس لديها شىء –على حد قولها-. تدمع حين تدرك أن أولى محاولاتها أودت بها إلى كل ما يخص وحدتها. وجهها صبوح كما هو مع أنها فى رجعٍ بعيد.

(2)

وماذا تعرفين أنتِ عن الحزن؟

حتى وإن تركك أحدهم، حتى وأن وقفت عند نقطة ثابتة، نقطة لا تخرجين منها بشىء.. تلفين حولها فقط، حتى وإن استقرت ملامحكِ على ما هى عليه منذ خرجتِ ببراءتكِ إلى الضوء، حتى وإن كانت المدينة قاسية، حتى وإن كانت أحلامكِ تستقر ولا تنفر، حتى وإن ابتسم طفلكِ لى حين رآنى، حتى وإن كنتِ نفسك وددتِ أن تستأذنى رجُلِك بأن يسمح لك أن تصافحينى وليكن طلبًا أخيرًا،

حتى وإن ثبتت عيناكِ وثبتت عيناى وثبتت عينا رجُلِك للحظة واحدة ثم تحرك الطريق وكأنها لم تمر تلك اللحظة،

حتى وإن كنتِ أنتِ التى قلتِ أن الأشياء لا تعرف إلا بالتجربة.

الحزن أكبر من كل ذلك بكثير.

قهوة عسلية

2008-12-13T10:50:00.000-08:00

قهوة عسلية

الجيارة كلها تقريبًا كانت تعرف ما يمكن أن يحدث إن مر كلب أسود أمام مقهى عسلية. وبما أنى أنا وصاحبى كنا جددًا على المقهى بل وعلى الجيارة كلها فكنا زبائن هذه الليلة وضع تحت كلمة زبائن 131 خطًا إن أردت.

دائمًا ما كنا نجلس على مقهى قريب من جامع عمرو بن العاص المكان هادىء هناك ونذهب إليه حين نضجر من الزحام والوش ولكن هذه الليلة كنا متعبين فجلسنا إلى أقرب مقهى قابلنا فى المنطقة واخترنا أول صف من الكراسى التى تكاد تصل إلى منتصف الشارع الذى لا يمر به شىء تقريبًا لا سيارات ولا بشرولا حتى صوت يأتى من بعيد مع أن الشارع الرئيسى به ما يكفى من الضجيج ولكن بمجرد أن دخلنا إلى الشارع وكأننا انفصلنا عن الكون وتسيدت حالة من الصمت لم أر مثلها إلا فى هذا الشارع، حتى صوت التليفزيون الذى لا نراه يصل من داخل المقهى بصعوبة وأقول فى نفسى أن تليفزيون فى مقهى كهذه لا بد ليس به إلا القناه الأولى والثالثة وقد يكون أبيض وأسود أساسًا.

بمجرد أن وضعنا جسمنا على الكراسى سمعنا صوتًا يخرج من قفا البدل

- يا مرحب يا باشاوات.. تشربوا إيه.

عسلية - كما قال اسمه فيما بعد- جدارًا له ثلاثة أبواب أحدهما كان سد علينا الرؤيه فلم نر باقى الجدار. إنكمشت فى البدلة للحظة ثم نظرت لكمال وحركت رأسى ناحية القهوجى وتلبسنى عادل إمام وكنت هقول لكمال رد على البيه، فقال له اتنين شاى بالنعناع سكر زيادة وتحرك القهوجى دون أن يرد أو حتى ينظر لنا، سحبت الطقطوقه لأسند عليها الشنطة فامتلئت يدى بالتراب وتخيلت البدلة اللى حيلتى دلوقت حالتها إيه من الكرسى البلاستيك الأخضر وكمية التراب فى البنطلون ولكن من تعبى لم أتحرك غير أنى صرخت فجأة فى كمال

- إيه يا عم الحاج القهاوى دى احنا ناقصين

وطبعًا الناس كلها عينيها اتحجرت علي وشوشنا والهمهمه والتأتأه ثم صمت والقهوجى فط من قفانا بصوته اللى محتاج يتشحم

- ليه كده يا باشا إيه اللى جرى بس لا سمح الله (بترقيق اللام)

فتنحنحت وقلت بهدوء لا بس التراب على الكراسى بهدلنا

فى ثانية أخرج فوطة وقومنى وهو يقول:

- يا نهار يا باشا معلش امسحها فيا ومسح الكراسى وقال اتفضلوا اوعى تزعل يا باشا والنبى عشان خاترى، هاا البشوات يشربوا إيه بقى

فابتسمت متوجسًا وقلت له : تانى طب مش لما تجيب الشاى

فرد ببراءة شديدة : انتوا طلبتوا شاى والله بجد.. تيب حاضر عينيا.. لامؤاخذه تيب ثوانى تيب عينيا. وتحرك بسرعة

ابتسمت وأنا أتابع مشيته وهو يحرك رأسه فى اتجاه وجسمه فى اتجاه وأهمهم( تيب تيب) مين ده. وأعود لكمال الصامت على غير العادة من أول ما خرجنا من مقابلة الشغل فى المنيل، عنده حق ما فيش مجال خالص للكلام إحنا تكلمنا كثيرًا اليوم ومحتاجين شوية صمت ولذلك جئنا لقهوة هادئة. أبو كمال غطس فى الكرسى مثل عادته أيضًا حين يكون متعبًا يقول لى :

- سيبنى ربع كده هنام واقوم زى الفل ومعاك فايق للفجر لو عايز.

قولت له اتوكل وقعدت أفكر فى الفراغ شويه ومستنى الشاى وتجولت بعينى على الناس فى ضهرنا، بمجرد ما لوحت رأسى وجدت الناس متنحين لنا فرجعت كما كنت ولسه هقول يا ابو كمال لقيت القهوجى بيستعرض حنجرته المجوفه وهو جاى ناحيتى:

- أحلى شاااى لأحلى باشوات.

وضع الشاى وقال لى هو الباشا منين فقلت فى نفسى إيه القهوجى الغريب ده السؤال المفروض يكون اسم الكريم إيه كده يعنى قلت له :

- من إمبابه اشمعنى يعنى.

قال: - أصلك تشبه لواحد حبيبى بس هو مش باشا زى ساعتك بدله وجرافته وكده. قلت له: يا عم انت بتصدق ده عشان الشغل بس.. احنا كلنا اخوات.. انت اسمك ايه بقى.

نزل ناحيتى كام دور لحد ما وصل لوشى وبص فى ضهرة وهس لحظة وقال لى (عسلية) قلت:ماشى ياعم عسلية .

لف ضهره وقال :أحلى اسطباحه يا باشا. وراح ناحية النصبة.

بصيت على كمال كان غرقان فى الكرسى قلت وكأنه سامعنى:ما تقوم يا عم الحاج تشوف النيله اللى احنا فيها دى ..ماعلينا. خرجت الموبايل أعمل أى حاجه إلى أن تفوت الربع ساعه. يدوب فتحت الموبايل وصوت خرم رأسى من ورا:

- يا با دى عيال سيس.. عارف دخلوا فاردين صدرهم ورسموا الشويتين وقعده وحركات وبدل ومبايلات وفى الآخر كلوا علقه كانوا بيعيطوا زى العيال النغه.

وصوت بيرد عليه:

- دول أصلك إيه أقولك يا معلم .. دول بيبقوا بقى إيه باعتينهم يقطُروا واحد فيبقوا إيه فاكرين انهم يعنى رجاله وبتاع وإيه فاهم انت.. بس رجاله انكم إيه رقعتوهم ولادالـ......دول.

رجعت فى الكرسى شويه وزرعت وشى فى الموبايل وفتحت لعبة سباق عربيات اللى عمرى ما لعبتها، ورقع صوت ثالث فى قفاى:

- كده الصح عشان مش كل ابن شـ...... يفتكر ان المنطقه سداح مداح.. مش مزرعة حمير هيا، إلعب واخلص بروح امك الدوسه حمضت فى إيدى.

أنا سقطت فى الكرسى ولعنت وسبيت لابو كمال بس ما استجريتش أزعق فيه علشان يصحى، مديت إيدي على كباية الشاى ولسه هشرب القهوجى فط قدامى فانتفضت وكنت هلبسه الكبايه فى وشه، زيق بصوته:

- الباشا بتاعنا.. الشاى مش عاجبك ولاإيه.

رجعت فى مكانى على الكرسى وقلت له وأنا آخذ ريقى : لا زى الفل يا عسليه تسلم إيدك.. بس بحبه بارد شويه.

رد بهدوء : ماشى يا باشا. واتحرك من أمامى فى ثانية.

مسكت الكبايه وأخدت بق لقيت الشاى ما فيهوش سكر ما قدرتش أمسك نفسى واتعفرت إلتفت وصرخت بعصبية :

- يا عسلية.. إنت يا عسليه انت.

كمال انتفض مكانه وقال: فى إيه. فى هذه اللحظة كان هناك شىء ما يتحرك ناحيتنا ممكن نقول عليه مجازًا (إنسان) ووقف أمامنا.. رجل بجلبيه بنى، مثل عسليه القهوجى مرتين ونصف وعلى رأسه طاقيه صغيرة وقورته متضخمة، وقال أو يتهيأ لى أنه قال:

- إنت اللى بتنادى.. (وعينيه تحتوينا نحن الاثنان)

بصيت لكمال وبصراحه صعب علي أقول للرجل : لأ.. هو ده، فقلت:

- أنا ناديت على عسليه علشان الشاى ما فيهو.......(قاطعنى):

- عسليه كده حاف.. إيه الحلاوه دى.

قلت باندهاش وبخوف الصراحه :

- أمال اقول يا إيه. (قال لى فى ثانيه).

- كلك نظر.. (وقرب من وشى) ولا دول مش عينين لا مؤاخذه.

ما عرفتش اقول حاجه وكمال قال: هو إيه اللى حصل ووجه كلامه للرجل:

- إيه يا ريس فى إيه.

الراجل سمع كلمة ريس وصوته زمجر وقال له:

- ريس.. ريس إيه يا حلو انت وهو (معرفش زعل ليه من ريس مع إنها حلوه والله) إنتوا منين ياد انت وهو.

إحنا سمعنا ياد دى وشوحنا وفى صوت واحد: ما تتلم يا عم انت.

بس انا كنت أقرب للرجل المنشأة ده فمسك كتفى وحوط على كمال وقال:

- أنا عسلية يا أمور انت وهو.. أى خدمه.

أنا وشى جاب علامة X معرفش ازاى.. وقلت له:

- اسمك عسليه برضه.. أنا .. أنا ما قصدتكش انت أنا قصدت عسليه القهوجى، مش انت.

الرجل عروقه نفرت وقال:

- ما فيش عسليه هنا غيرى أنا المعلم عسليه (بتفخيم كل الحروف) صاحب القهوة.

حاولت أتلفت على القهوجى كان واقف فى ضهره والناس تجمعوا حولنا فشاورت له على عسليه : أهه ده هو عسليه القهوجى.

الرجل ولا حتى التفت وسألنا بصوت أعتقد سمعته فى أفلام كائنات الفضاء والخيال العلمى من قبل:

- إنتوا من طرف رؤوف؟؟!!

طبعًا كمال لسه مزهول ومزبهل من كل ما يحدث وأكيد يقول فى نفسه:(أنا يدوب نمت ربع كل ده حصل )

وأنا بدأت أحس إنى فى فيلم كرتون وكنت سأنفجرفى الضحك حين سمعت صوته وهو يقول رؤوف.. وخفت أن يضحك كمال ضحكته الأسطورية فأضحك ولا أسيطر على نفسى .

الرجل حس أنه سأل ولم يجبه أحد فتمكن الموضوع من رأسه على اعتبار أن السكوت علامة الرضا كما يقولون، وانطلق فى الزعيق والشخير:

- تبقوا من طرف رؤوف يا ولاد القــ.........

وانا سمعت رؤوف تانى وانفجرت فى الضحك وهكذا كمال وهما نازلين سب ولعن وطرمخه فى أهالينا. لكن الغريب أنهم لم يضربونا يا دوب كم خبطه فى أكتافنا من القهوجى والناس التى تجامل وطبعًا المعلم عسليه (على حد قوله) شلفط البدل وأكتافنا وهو يودى ويجيب بكفوفه المبطرخه فى ياقات البدل واحنا نتمرجح فى يديه وقال بنفس الصوت وهو لازال يمرجحنا:

- قولوا لرؤوف ( واحنا نحاول أن نقول رؤوف مين يا عم الحاج ولاأحد يسمع من صوته الجهور) قولوا لرؤوف إن الواد أنوس خلاص مابقاش عندى وما بقاش ييجى هنا وان كان عايز يقطره يبقى يغور فى داهيه بعيد عن المخروبه القهوة (ويمرجح وكأننا حتة عجينه فى إيديه) وقسمًا عظمًا..والولعه دى لوحد هوب هنا تانى لكون مقلعه بنطلونه وغازه فى الكريمه عشان يبقى عبره .. قولوا لرؤوف كده بس وهو هيفتكر(وانا لسه بحاول اقوله يا عم رؤوف مين بس وكمال لسه بيحاول يقول يا ريس هو فى إيه اللى حصل) وهو يواصل: ورحمة أمى والنعمه الطاهرة دى (ويلحس صباعه) والنعمه دى والنعمه دى أى كلب منكم لابس بدله سودا وعاملى باشا هيلمس برجله عتبة القهوة ولا الشارع ولا الجياره كلها لكون مخليه مره.. مره انتوا فاهمين.. وزقنا بإيديه : ياللا فى داهيه ابقوا سلمولى على رؤوف.

كمال لازال يحاول أن يفهم وأنا تحركت بسرعه وأنا بشده من ذراعه وهو لسه بيقولى هو إيه اللى حصل .. إلى أن خرجنا من الجيارة كلها وقفت فى شارع الملك الصالح أخذت نفسى وشددت صدرى وقلت وأنا أضغط على ذراعه:

- بص يا عم كمال.. قهاوى تانى لأ.. على الطلاق ما هعقعد على قهوة تانى، ولا هسيبك تنام لا ربع ولا نص.

وتحركت وذراعه لا زال فى يدى وهو يهمهم:

- مين رؤوف ده ومين أنوس ومين عسليه؟ ويسكت.. أنام ربع يجرى كل ده.

محمود درويش يسافر بعيدًا

2008-08-12T10:00:00.000-07:00

محمود درويش يسافر بعيدًا

بلاد بعيدة

والسما أوسع من حدود صوتك

سابقاك عينيك

مقدرتش تخالف خطوتك

لمااكتمل شكل الحقبقة

وارتئيت آخر المشوار

زى ما اتمنيت

أنا كنت فاكر لذة المعرفة ملهاش نهاية

لكن - كعادتك

خذلت كل تصوراتى

ووصلت للنقطة الأخيرة

قبلنا

بلاد بعيدة

وريح ملهاش ولا مطرح

تتركلها صوتك

وترحل

تحمله الريح المهاجره

تلف بيه

يتلف بيه الشجر

والبحر

والخيل الوحيد

والليل

ويهف وياه النخيل

والطير

يتلف صوتك

ع المدن

والفجر

والنور والنهار

الريح تلف الكون

وما تجيبش الا صوتك بس

أنا كنت عارف عينيك

وعارف إن عند اللزوم

هتسيبها تختار الحقيقه

ما كانش خايل عليك

صورة الحياه

لكن

لكل شىء مقدمات

ليه خدتنا خوانه

واكتفيت بالبعد

"اكتفيت بــ " كل شىء فوق البسيطة زائل

اكتفيت بالغياب

بقى اكتمال صوتك سُكات

واكتمال بوحك صدى

كان البراح هو الحقيقة الممكنه

وانا كنت عارف عينيك

وعارف الاختيار

----------------------

"كل شىء فوق البسيطة زائل اكتفيت بالغياب "

من نص لمحمود درويش

2008-07-31T04:08:00.000-07:00

قريبًا عن دار مزيد

عن تجارة الكتاب

2008-06-23T08:25:00.000-07:00

عن تجارة الكتب

نسبة التوزيع
أخبار الأدب: العدد 1429، 15 يونيو 2008م

عزت القمحاوي

لا أعرف إن كانت هناك تجارة أخرى تحقق نسبة خمسين بالمئة ربحاً للموزع مثلما تفعل تجارة المخدرات والكتب. النسبة في تجارة المخدرات مبررة، نظراً للمخاطرة التي يتحملها من ينذر نفسه لهذه التجارة الخطرة، بل إن هذه النسبة يتبدد نصفها، إذا ما أخذنا في الاعتبار الديون المعدومة وما يقع في أيدي الشرطة، وتكلفة تأليف القلوب في الأوساط الشعبية والرسمية.وإذا جردنا عملية الإبداع والنشر والتوزيع من أبعادهما الثقافية ونظرنا للكتاب كمنتج، سندهش من هذه القسمة الظالمة. الكاتب يدفع عمره، والناشر يدفع أمواله، ويتحملان معاً مخاطرة تهريب المنتج من الرقابات المختلفة، وتبعات التصادم مع العائلة والشارع والحكومة، ليشتركا معاً في نصف عائد الكتاب، بينما يحتفظ الموزع بالنصف من دون جهد أو مخاطرة من أي نوع.بالتأكيد هناك بعض الناشرين ينجون كليا أو جزئيا من هذه القسمة بامتلاكهم منافذ توزيع خاصة بهم، لكن تظل المشكلة قائمة بالنسبة لمعظم دور النشر، ويجب أن تجد حلاً يعيد الأمور إلى نصابها.وبالتأكيد لم تكن الأمور على هذا النحو دائماً، لكن يبدو أن ركود القراءة في السنوات الأخيرة غر الموزعين بالكتاب، فزحفت النسبة من ثلاثين إلى خمسة وثلاثين إلى اللعب بين الأربعين والخمسين بالمئة، وأحياناً أكثر.الآن تغير الوضع، وصارت حالة القراءة إلى انتعاش، وهذه بداية فحسب: لأن أرقام التوزيع الحالية، حتى بالنسبة للكتب الأكثر مبيعاً، لا تتناسب مع عدد قراء العربية من موريتانيا إلي العراق.من المخجل أن نعد الكتاب الذي يوزع ثلاثة آلاف أو أربعة أو عشرة آلاف نسخة أكثر مبيعاً بين ثلاثمائة مليون إنسان، بينما يعد هذا الرقم لا شيء بين خمسة ملايين دانماركي!لكن علي أية حال العجلة دارت، وعلينا أن نتمسك بالأمل، لأننا بحاجة إلى ذلك، وتحقيق الأمل بحاجة إلى خطوات من بينها اقتسام الأرباح بشكل عادل، وتصحيح مسار الكتاب بوصفه عملية إنتاجية ينبغي ألا يطغى أحد أطرافها على الآخرين.ويجب في هذا الصدد أن نشهد لدور النشر بأنها سعت سريعاً إلى اقتسام التطور الضئيل مع الكاتب، وبينما كان تحمل الكتاب لتكلفة كتبهم ظاهرة تكاد تكون عامة في سنوات الركود، فإن الظاهرة بدأت تنحسر، وزاد عدد الدور التي تدفع للمؤلفين، مهما كانت ضآلة حقوق التأليف، لكنهم بدأوا في ذلك. وإذا ما تم تعديل نسبة الموزع لصالح المؤلف والناشر، فإن ذلك سيعود بالنفع على إنتاج الكتاب، بل وعلى المجتمع بأسره، لأن دعم الكاتب وزيادة اعتماده على إبداعه وفكره في عيشه، هو جزء من التأسيس لمجتمع حر بشكل حقيقي، وليس تمثيلاً في عروض المصارعة الحرة بالبرلمان، التي لا تحقق حتى متعة تنفيس الغضب نيابة عن الجمهور، مثلما يفعل المصارعون المقنعون في الرقعة المسيجة بالحبال.لقد تأذت الثقافة العربية من تأميم صناعة النشر، وانقطاع الصلة المباشرة بين الكاتب والقارئ، وأنهت التعاقد غير المكتوب بينهما، فكان طور الوهن الذي عاشته ثقافتنا ونتنفسه إلى اليوم: فالكاتب معفي من مواصفات الجودة، والقارئ غير مضطر لتلقي خدمات لا ترضيه.وقد بدأت هذه الحقبة تجرجر أذيال خيبتها، وأصبحت الساحة مؤهلة للعودة من جديد إلى علاقة مباشرة بين الكاتب والقارئ، وهذه العلاقة ينبغي تدعيمها من خلال تعظيم عائد الكتاب من كتبهم، ومنع الموزعين من القيام بدور قاطع الاتصال الذي قامت به مؤسسات النشر العامة. والغريب أن موزعي الكتب الذين لا يتمتعون بتنظيم يرعي مصالحهم يتحكمون في الكاتب والناشر اللذين يتمتعان باتحادات إقليمية وقومية. هذه مفارقة، والقضية ليست في موازين القوة، لكن في إقرار العقل والمنطق، وأعتقد أن اتحاد الكتاب العرب واتحاد الناشرين يجب أن تكون لهما وقفة لحماية مصالح أعضائهما وتعديل الخلل.

--------------------------------------------

بعيدًا عن الاتفاق أو الاختلاف وودت فقط أن أعرض وجهة النظر فى هذه المسألة التى تشغلنى بالتفكير كثيرًا

2008-05-26T19:39:00.000-07:00

نحن أبناء البيبسى وأحبائه؟

يمكن

أو غيره؟

بدون مقدمات طويلة ومجعلصة وكلام رط مالوش قيمه. أنا حاسس انى مُستهدف
مُستهدددددددددف
وانا ماشى فى الشارع وانا راكب الميكروباص من عبد المنعم رياض لأكتوبر أو من الإسعاف لبولاق الكرور مرورًا بجامعة الدول أو من أكتوبر لرمسيس أو على الطريق الدائرى مستهدف وانا واقف على محطة المترو وانا محشور جواه وانا على المحطه فى ميدان لبنان وانا واقف فى الجيزة عند بنك القاهرة وانا فى شارع طلعت حرب أو قدام هيلتون رمسيس.. وانا باكل أو بشرب فى أى مكان وانا بتلطش فى مخى وبشترى جرنال وانا بتخبل فى تربتيين تين تين أهلى وبقراه وبفصصه مش عارف ليه .. وانا بنزل من ميكروباص الكيت كات عند مسرح البالون وبمشى لسفنكس.
مستهدف .. مستهدف.. وانا بكلم اصحابى فى التليفون وانا ماشى مع مراتى أو مع أى حد وانا بشترى لبان أو مصاصه لبنت اختى.. مستهــــدف

وانا بتفرج على الزفت التليفزيون على فيلم أو ماتش أو مسلسل أو برنامج أو فى الفراغ .. وانا بسمع نجوم إف إم إأوإذاعة الأغانى وانا بشوف محمد أبوتريكه أو أى لعيب تانى وانا بتفرج على أى دورى أوروبى مستهدف.. وانا بفتح تليفونى أو ببعت رسالة لأى نيله تليفون 010 أو 012 أو 011 مستهدف وانا بفتح الكمبيوتر وانا بدوس على علامة explorer أو بشغل الـ youtupe أو الـ face book أو المدونة
مستهدف وانا بفتح أى رواية لسراماجو أو ديوان لمحمود درويش أو أدونيس أو حتى وانا بفتح ديوانى أنا .
مستهدف. وانا بفتح التلاجه وانا بسحب علبة جبنه أو لانشون أو حاجه ساقعه أو عصير أو حتى إزازة ميه وانا ببص للبوتاجاز أو للمطبقيه وبسحب كبايه عشان اشرب . مستهدف وانا بلبس هدومى وانا ماسك القميص أو البنطلون أو الفنله الداخليه مستهدف وانا ببص للقلم اللى بكتب بيه الكلام ده وانا ببص للمروحه أو للبرفان أو كريم الشعر أومساحة الجزم .. مستهدف
مستهدف وانا بسأل عن اللى باكله إن كان سوسيس أو برجر أو بطاطس مستهدف وانا عند الدكتور وانا واقف فى محل الحلويات أو فى المسمط اللى فى أرض اللواء أو فى الصيدلية بتاعت دكتوره دعاء مستهدددددددفوكأن فى حد بيدرس كل حاجه بفكر فيها حتى قبل ما افكروبيدرس كل خطوه وكل شارع هخطيه سواء ماشى أو راكب أو متشعبط أو واقف أو متنيل على عينى لوحدى أو معايا حد.. بيدرس كل كلمه قلتها أو هقولها .. بيدرس كل حركه .. كل حركه .. مستنينى أضحك أو أبكى أ وأفرح أو احزن من غير صوت .. مستنسنى أتمنى حاجه حتى لو ما كانش ليها وجود ضمن الاختراعات أو السلع اللى على ضهر الأرض مستنينى أحاول أفكر فى الفروق بين أى حاجه والتانيه مستنينى أهمس أو بس يخطر فى بالى أى أى أى حاجه
يا جماعه أنا مستهدف.. عليا التربتيخ والتلمتين والتلبتيك أنا مستهدف

وفى أماكن بحس فيها ده أكتر من أماكن تانيه وشوارع أكتر من شوارع .. يعنى فى شارع السودان وشارع جامعة الدول والزمالك والمعادى ومدينة نصر والمحور و6 أكتوبر كلها بحس انى فى سكنه عسكريه ما الحقش ابص فى أى اتجاه لكن فى حتت تانيه بتق المسألة شويه واحس انى مش مستهدف أوى.
صحيح الواحد ممكن يكون عمل حاجات طين فى حياته لكن ما يستحقش كل ده .. مش كل متر فى الشارع حاسس انى ماشى متحاصر
مش كل ما افتح تليفزيون أو راديو مش كل دقيقه أنا بقيت حاسس ان جزء من فكرة وجودى ضمن الكائنات هو كونى عندى عينين وودنين بشوف واسمع بيهم أى أى أى أى إعلان حتى لو كان عن مصاصى أو باكو لبان ببريزهبقيت حاسس ان شرط من شروط وجودى انى أتابع الإعلان عن أى ششىء وما عنديش حق الرفض

أنا موجود علشان الشركات تعلن وانا اشوف واسمع حتى لو مش هشترى أنا وانت وهى وهو كلنا كلنا موجودين عشان فودافون وموبينيل واتصالات وبيبسى وكوكاكولا وشويبس وإنجوى وجهينه وزبادو ونستله وبيف حلوانى وشيكى دودو وتويست وشيفروليه وأوبل ومرسيدس وجولف وكوك دور وماكدونالدز وكنتاكى وهارديز ووصايه ومؤمن عشان إعمار وداماك والديار القطرية ومدينتى وجاردينيا وحى الأشجار وأملاك وsodic والمصرية للاتصالات عشان بنك عوده وسيتى بنك وabc بنك والبنك التجار ى الدولى ومصر للتأمين والأهليه عشان شريط عمرو دياب الجديد ومحمد فؤاد

ومى كساب وراغب علامه وأليسا ونوال الزغبى عشان شاى ليبتون خرز ودولسيكا ( الكون كونك ) وبوم بوم طاقه بوم ولبنيتا عشان طيران الإمارات واليوبيل الفضى والذهبى والماسى لمصر للطيران عشان فضل شاكر وجورج وسوف وكادبورى وسيارة أحلامك من بنك اسكندريه عشان عرض النجم والنجمه وأفضل شبكه وأحسن إرسال عشان سبرايت وسفن أب ولافاشكرى...................................... مستهدف
وانت كمان مستهدف بالكلام اللى انت قريته ده حتى لو كان كلام فارغ

ده كان إعلان عن شويه من اللى جوايا تجاه الإعلانات وإحساسى بيها. إنت استقبلته كإعلان

أنا آسف ما حبتش أكون متورط لوحدى فى الإحساس ده

عندما أسمع كلمة مدونة

2008-04-20T07:41:00.000-07:00

حفل إصدار

عندما أسمع كلمة مدونة

محمد كمال حسن ومصطفى الحسينى

الأربـعـاء 21 مــايــو

الساعة 6

بمقر دار العين

كورنيش النيل -عمارات اللؤلؤة -عماره 4 شقه 203

أى عربية من عبد المنعم رياض بتقول مؤسسة قول بس عمارات اللؤلؤة

عندما أسمع كلمة مدونة

مدونات مصرية

مع مجموعة من الأدباء والمدونين المتميزين

أحمد فؤاد نجم

خالد الصاوى

غادة عبد العال - عايزه أتجوز

أشرف توفيق - أخف دم

ميمو

أزميرالدا - أهو كلام والسلام

محمد أحمد - الديليكون

طارق إمام

نائل الطوخى

نهى محمود - كراكيب نهى محمود

محمد صلاح العزب

أيمن فاروق - راسبوتين

سلمى صلاح - متغيره شويه

أفندينا

أحمد شقير - حكاوى آخر الليل

ملكة حسين - مملكة واحدة من الشعب

هنوده

شيماء زاهر - دردشه

أحمد الفخرانى - تياترو صاحب السعاده

إنجى - سمراء النيل

البراء أشرف - وأنا مالى

إبراهيم عادل - أنا وأنا

أمينة زكى - أحلامى المبعثرة

محمود عزت - كوبرى إمبابه

skylight - ياسمين

عندما أسمع كلمة مدونة

مدونات مصرية

جمع وتعليق

محمد كمال حسن ومصطفى الحسينى

الأربعاء 21 مايو

دار العين ودار مزيد

انتظرونا

2008-03-19T18:06:00.001-07:00

لتكن محض صدفة

أُحبها فعلاً

رغمًا عن الدوافع المسبوقة دائمًا بـ (لأنها........)، ورغمًا عن سابقاتها اللاتى لم تعدن إلا أطياف أتلمسها. ورغمًا عن ذاك الشغف غير المبرر لكل وجعٍ دامٍ قديم . وأعرف حين أستفتح باسمها شيئًا واحدًا هو أنى أستلهم خروجًا من حلقة أفكار تعيدنى إلى يوم كان لكل شىءٍ ترتيب محدد أستشعره وأتناساه وأُخفى لمعة عيناى كلما فهمت شيئًا . أنساق خلف رغبتى فى جمع الخيوط . أُشاغب ذاكرتى الرخوة الممتلئة ( كيف لها أن تتركنى لكل هذه الفراغات )

وكيف لى .. حين رأيت الرغوة البيضاء تنساب بخفة على جانب شفتى عم هاشم لم أكن لأميز النظرة الثاقبة التى ترى الموتى وهم يلوحون ويثقبون بنظراتهم الأزمنة ليتلقفوا نظرته الدافئة.

أعشق ما تعشقه هى . فلا أجد صعوبة فى أن أعطيها نقطة البداية أو تعطنى هى إياها ، نبدأ وحسب
ولتكن الصدفة هى ما دفعت أخى الأصغر لأن يمسك بتليفونى حين وصلت رسالتها التى كتبت بها " أعشق ما تعشقه أنت ، فلا أجد صعوبة فى أن أعطيك نقطة البداية أو تعطنى أنت إياها . نبدأ وحسب ."
ولتكن هى الصدفة التى جعلت أبى يذكر الرغوة البيضاء وهو يدعو الله فى ذاك اليوم أن يحفظه منها

لتكن للتراهات أهمية الآن

وليكن عم شوقى هو أول من علم بأمر تلك الرغوة البيضاء . هو أول من فهمها وتمسك بكل معتقداته نحوها ، حتى حين رأى بعينيه انتفاخ ساقيه وصدره وكتفيه وبطنه ، حتى مع تلك الكرات الممتلئة عن آخرها –بشىء- ربما يكون ماءً ساخنًا –ربما- ربما تكون غضبة جسد . ربما .
هو أول من آمن بها .. وآمن بموته المحقق . لم تؤذه شعيراته البيضاء وهى تسَاقط من رأسه وتسود فروتها ، ولم يدعو الله أن يحفظه من تلك التراهات –كلها- ولا حتى من الرغوة البيضاء .

أمُر بين كتل البشر. أستنزف عقلى " أن احفظ تلك الملامح . احفظها
لو أنى نسيت يومًا أن أمُر بتلك الكتل لما أحسست اغترابًا . أستدعها بذاكرتى وحسب. أفقد لونًا كلما تخطيت أحدهم . أفقده . أحببت فكرة الأشباه، وأصبحت بعد فترة من فهم عملية الفقد . أصبحت كالزجاج المُتخَيل ذى اللمعة المضيئة الخاطفة ، أصبحت شبه فاقد وشبه مفقود .

هى لم تكن أبدًا تعلم بى –ولا أنا- مع أنها انتظرتنى كثيرًا –وأنا أيضًا- وكأنها البدايات المُتخَيلة –كالزجاج الخاطف- وكأنها البدايات التى لا تُرى .. فقط تُروى . فقط .
وكأنها الصدفة مرة أخرى تنزف الحكايا .. وتستفيض .
وكأنها الصدفة التى جمعتنى بذاك الليل . أحتبس فيه دمعى ، وأقترف الخطايا البريئة ، وأستمتع بالخوف ، وأذكر البياض الناصع ،

: وأسائل نفسى
عن أى شىءٍ أُدافع ؟

وإلى أى مدىً أختزل صورتها ؟

تحت خط الضحك

2008-02-21T15:23:00.000-08:00

هكـــذا أسـتــقـبـل2008

الآن

بمنفذ البيع بالمجلس الأعلى للثقافة

2008-01-15T16:10:00.000-08:00

محمود .. مات

(1)

وكأنى أجلس بين يدى أوراقى، أضغط جانب رأسى بكفى وأ َخرُج بعقلى من إحداثيات الغرفة المستطيلة إلى أقصى ما أتيح لى من فكر فى تلك اللحظات. أكتب فى مقدمة ورقة بيضاء "أنا أهذى إذن أنا موجود".

كنت أنوى أن أكتب عن تصنيع الفيروس وعن تجارة الدواء عالميا ،ً وكيف أنهم يبدأون بخطوات منطقية ويبحثون عن الأسباب اللائقة لوجود مصل جديد يحتاجه العالم.

كيف تخلق الحاجة؟ هذا هو السؤال. وأفكر فى إجابتهم، وأستغرق فى صمت.

كنت أنوى أن أكتب. أعرف أنها شاقة تلك الكتابة أعرف أنها موجعة. وكيف لى أن أعاندها!!

أفكر.. أنام . ولم لا، عله المخلص، رأسى يحترق، هى توحشنى أيضا ً بغير حدود أعرفها،

أؤيد اقتراحى. أنام.. وكأنه اختيار أن تُقبض روحك لبعض الوقت.

أحلم بها مرتين، صوتى يروح ويعود بعناء، أحلم بصديقتى علها فى حال ٍ ما غير جيد،

أحلم بأحد الأوفياء ممن يسبوننى ليل نهار. أحذره بشدة من أحد أعدائه.

يختلط على ّ النوم بالإفاقة العابرة، يعاودنى هذا الشغب فى أعصابى أو فى مخى على الأرجح. أنا أخاف من الأطباء. أتقلب بغير عادة، أغمس وجهى بصدرى، أحرك أصابعى بعنف ٍ شديد لتكتمل إفاقتى. رأسى يسخن و يصهد. نحن فى شتاء.

أريد أن أعترف بشىء أنى حتى تلك اللحظة كنت لا أؤمن أن البكاء سيأتينى أبدا ً.

بل حتى

كنت أخاف أن أسأل عما حدث لمحمود

(2)

الشغب العصبى أو "الشغب المخى" كما أسميه أنا

يجعلنى لا أعرف إن كنت نائما ً حقا أم لا. شىء ما أحسه لا أفهمه يشدنى ويقيد حركتى وكأنى مشلول تماما ً، غير أن أطرافى تعمل وعقلى يهدر من سرعة التفكير فى ذاك الوضع، أسمع ما يدور حولى، أغلب الظن أنى أسمعه، أعتقدها أحلاما ً فى لحظتها.قبل يومين أسمع بلا مقدمات صوت ميكروفون الزاوية المجاورة لبيتى ينقر و يخروش بحدة وبعدها بلحظة ينطلق صوت عم حمدى شيخ الزاوية بجملة واحدة يكررها و كأنه نطقها من أثر خوف ٍ. أطلقها دون وعى "محمود ابن أم عصام مات فى مستشفى الدمرداش و الدفن بعد العصر" ويصلها بهمهمات لا أذكرها ويكرر "محمود ابن أم عصام مات فى مستشفى الدمرداش........... " أفيق لأسمعها وأحرك أصابعى بعنف ولا أفيق تماما ً، وأروح فى النوم. أحلم بما ليس لى، وأذكر حين أصحو صوت عم حمدى

ولا أسأل عما حدث لمحمود

(3)

وكأنى لازلت مطمئنًا
مع أن الرواق الذى دخلته حين زرته فى مستشفى الدمرداش لم يكن إلا رواقا ً داكنا ً رأيته من قبل. ومع إن الغرفة التى وصفتها لى الممرضة مرة ووصفها لى أحدهم فى الطرقة مرة و أنا أمر عليها ثلاث مرات وأؤكد لنفسى من أمام بابها و أنا أمر بسرعة أنها ليست الغرفة طبعا ً. ليست الغرفة. فكيف لمحمود أن يكون هنا. هم فقط قالوا لى أنه يتابع علاجا ً بدأه من عام مضى، أ ُومىء لأخى فى النهاية هى تلك الغرفة، أدخل، أعرفها، أنظر إلى سرير فى أقصى اليسار، رجل فى الخمسين، أعرفه، دولاب صغير، أعرفه، تفاحة حمراء تبرق، وزجاجة عصير جوافة ممتلئة وكيس أدوية، أعرفه، ورائحة أعرفها و طيف يدور بالغرفة أحسه

-ها هى خبرة الموت، المفردات تحضرنى-

أمه الهزيلة البنية، تستقبلنى و كأنها الحياة دخلت، قصيرة مؤججة بالحزن، محمود على السرير الأيمن ينام على جانبه، مغطى حتى أخره، الملاءة تحويه وكأنه طفل فى السادسة يرقد.عظام فخذه أكاد أراها. أمه تقول بعد سؤال مختنق منى عن الأطباء وما قالوه، أن الكلى بها مشاكل "تقريبا ً فيروس"، جسمه أ ُصيب "بتيبس"، وتخفض صوتها "محمود مكتئب ولا يأخذ الدواء ولا الأكل، حاولوا معه" أصابع محمود غامقة وأظافره ملونة، وكأنه يعمل أستورجى. يختلط على الأمر فى البداية ثم أذكر كلمة تيبس، أقترب منه فيحس بى. يشد الملاءة ليغطى وجهه، فأتراجع. لا يريد أن يراه أحد، ألمح فروة رأسه بلا شعروغامقة أيضا ً، أذكر صوت أصدقائه وهم يداعبونه، أذكر الخرابة التى تدعى مستشفى الدمرداش، أذكر ابتسامته الصافية وأسنانه البيضاء المنسقة، أذكر عم شوقى و المرض الخبيث كما يقولون عنه فى مصر.أذكر كذب الأطباء وخداعهم. أذكر أمه الطيبة حقا التى قالت أنه سيخرج بعد أيام

أضع قدمى على أخر درجة سلم وأنا أستدعى دقة صوت فيروز"أنا صار لازم....."

وأراجع رقم 22 وكيف أنه متناسق، وأردد22سنة

أراجع وأنظر إلى الخرابة خلفى وأطبق قدمى على الأسفلت ليبلعنى ميدان العباسية

2007-12-10T11:20:00.000-08:00

ذلك كـله الوحـدة

تلك الوجهة التى ترفضها أمس، هى نفسها التى تقبلها اليوم" الكلمة التى لم يكن لها أى وقع عليك ، تبدو الآن غالية"

أستمتع فى كل لحظة وأنا أحكى عنى لنفسى، و كأنى لم أعش ما أقول، أعرف فى كل كلمة شيئا، وأرى فى كل لحظة مساحة جديدة فى صورة قديمة كنت اظن أنى أعرفها. أظل أروى كل ما يجول بى. أستمتع بالحديث عن الحب والعشق والصداقة والطموح والكتابة والسينما والفراق والحزن والبكاء ، والأسئلة عن الوقت الذى ذهب، عن أبى، عن الجامعة، عن المواعيد والتليفونات، عن الحكومة والقهر والكآبة، عن البطء والعالم المجنون، عن مايكروسوفت وبل غيتس وكل الشركات التابعة الضعيفة، عن الموسيقى وبراين آدمز وصوت فيروز وحبى لمحمد فؤاد رغم كل شىء، عن البعاد الشديد والاشتياق وصوتها الحنون واللوحات المعدنية ، عن حركة الكون وحجم النملة الضئيل بالنسبة لنا وحجمنا بالنسبة لهذا العالم، وضعف القدرة على البوح، عن الاحتياج المملوء بالترفع، عن الأحاسيس التى لم يعد لها مرسى، عن الاستماع الذى لم يعد ممكنًا، عن واقع مملوء بالآخرين، عن صديقي وصديقتى، عن خيال أستعمله، عن دفء أهب له روحى لنرتاح شيئًا فشيئًا، عن نزعات غريبة تحتلنى وتحتل ذاكرتى دون جدوى من محاربتها، عن الطفولة التى تكتبنى وصدق أعرفه، وشىء أحبه دون وعى، عن الموت وعن الموت وعن الموت ، عن أخر قصيدة وأخر كلمة وأخر شخص وأخر مكان، عنها وعن لقاء جديد .. آخر ليس بأخير. عن دفء متشعب المعنى وراحة أحسبها تجدنى لتستخلصنى دون فاقد ............ أستمتع

ولا أطلق كل التفاصيل

أستعملها على مهل

ليتسنى لى أن أحكى لنفسى مرات ومرات

أحكى وحسب

ًلأرى أنى لست وحيدا

2007-11-19T07:42:00.000-08:00

ســاويــرس

عن الأهرام 17 نوفمبر 2007

في العالم المتقدم وعلي سطح الأحداث وفي العلن لا يخرج البليونيرات للقيام باستعراضات للقوة تستفز المشاعر وتهيج الرأي العام ولا يتحول البليونير إلي مصلح سياسي وواعظ ديني ومصلح اجتماعي بل دائما ما يمارس هؤلاء دورهم من خلف الستار ولا يتجرأ أحدهم من باب العقل والمصلحة وأيضا من باب الملاءمات التي تفرضها التقاليد الحديثة بالفصل بين السلطة والثروة علي أن ينصرف جهدهم العام في نطاق مؤسسات خيرية وأعمال انسانية وثقافية وخدمة مجتمعية تطوعية تقدر قيمتها بالكثير والضخم تصب في خانة تحسين صورة رأس المال وصورة الرأسمالي وتخفيف حدة التوترات الاجتماعية والإنسانية والسياسية‏.‏ووفقا للقائم في الحياة السياسية في الدول المتقدمة والمسماة بدول الديمقراطيات الغربية فإن الأحزاب السياسية الكبري لا يقودها البليونيرات والمليونيرات ولا يملك زمام أمورها وبرامجها علي السطح وفي العلن إلا فئات وأشخاص ينتمون إلي عموم الناس والمواطنين حتي وإن كانت كل خلفيات المسرح مهما تكن مسمياتها لا تبتعد من قريب أو من بعيد عن تأثيرات الثروة والمال وعن نفوذ جماعات الضغط المعلنة والسرية سواء كان اسمها الحركي حكومة العالم الخفية أو الماسونية أو غيرها وغيرها من المسميات والنعوت‏.‏وعندما يظهر متصدر قائمة البليونيرات المصريين لمجلة فوربس علي المسرح متحدثا بحديث الفرقة والشقاق ومتدخلا فيما لا يسمح له بالتدخل فيه بإعتباره أثري الأثرياء والتي تلزمه بالحيطة والحذر وتجبره علي التجمل مهما تكن مشاعره وأحاسيسه وأفكاره الراسخة فإن الاشارة الحمراء لابد وأن تحتل مساحة ضخمة من واقع الأحداث ومتغيراتها بحكم أن تجاوز الخطوط الحمراء المتعارف عليها عالميا كقيم وتقاليد تحضر يصبح مسألة خطيرة تستوجب المساءلة والحساب قبل أن يتسع الرتق علي الفتق؟‏!

2007-11-10T14:14:00.000-08:00

ســاويـرس

رجل أعمال زى الفل

بس يخليه فــ حاله

إذا كان على حد قوله " مالوش أطماع سياسية

القاهرة- رويترز
أعلن الملياردير المصري نجيب ساويرس، الثلاثاء 6-11-2007، نيته إنشاء قناتين تلفزيونيتين جديدتين، لمواجهة ما وصفه بتزايد النزعة الدينية المحافظة اجتماعياً ودينياً في مصر. وعبّر ساويرس، الذي يلقب بامبراطور الاتصالات، وهو مسيحي قبطي تبلغ ثروته 10 مليارات دولار، عن قلقه من تزايد عدد المحجبات في البلاد، مشيراً إلى أنه ليس ضد الحجاب، "لأنني عندها ضد الحرية الشخصية. ولكن عندما أسير في الشارع، أشعر كما لو كنت في إيران. أشعر أنني غريب".

2007-10-26T15:18:00.000-07:00

ألف مبرووووك يا سلمى

تصدر قريبًا عن دار ملامح مجموعة خروج

للصديقة والقاصة الجميلة سلمى صلاح

الغلاف لـ عمر مصطفى

2007-09-22T16:53:00.000-07:00

الســبـكى - 1

تاريخ لا ينقطع

لا يخفى على أحد الدور الكبير الذى يلعبه كريم السبكى وأخوته فى هذا المجتمع ثقافيًا وبدنيًا وسياسيًا وغيره . السبكى هذا الاسم المندفع بسرعة الماء فى الهشيم حاملاً على عاتقه احلامًا وطموحات لا يعرفها إلا مشاهد واع بأمور مجتمعه ومشكلاته الحقيقية . هكذا لم يكن الطريق سهلاً أبدًا لبناء هذا الاسم البراق إنما هو تفكير عميق لا يفضى إلا لشىء واحد أن الكلمات التى تعجز عن وصف العبث الحقيقى ليست فى قاموس السبكى ليست فى قاموسه أبدًا . فمن يُسأل مثلاً عن سعر المتر من القماش البفتة الآن فى وكالة البلح فى تلك اللحظة تحديدًا من يُسأل ويجيب دون تفكير إلا رجل يعرف مفردات هذا البلد من أهلها ويحس بنبض الشارع وتطلعاته . كان السبكى لكل التساؤلات من هذا النوع لايجيب بالكلمات وإنما بالفن المستميت . السينما الصامتة وغير الصامتة ، الجامدة والسايبة البسيطة والمركبة السينما فقط وليس غيرها من كان سيضع يده على كل المشكلات الحقيقية بعمقها المتهاون إلا عقل سينمائى متفرخ كالسبكى وأولادة ؟ هه ؟ من ؟

من كان ليفجر الطاقات لدى الفنانين الحلوين القطاقيط مثل مى عز الدين والفنان الرائع عماد بعرور فى فيلمهما المتخافت المتسارع " أيظن " من كانت لدية الجرأة ليفتح طريقًا للكلام المكبوت الموحى المريح الذى يعالج مشكلة جذرية وغير جذرية بين أقطاب المجتمع بين ملايين من البشر تلك الجرأة الحلزونية المستقلة الواضحة الرئيسية التى لا يملكها إلا السبكى من كان ليحمل أزمة الإنسان التى عبرت عنها الأغنية المتباطئة المستمدة من مشاعر معتقة تعتيقًا تعتيقًا أغنية أيظن من أين كانت تلك الكلمات المضيئة كالسنابك المسوغة كالمدابغ

إبقى تعالى بالليل
تعالى
وانا اوريك الويل
تعالى

من اى جهة وناحية أتى السبكى بتلك العبقرية السينمائية المفرطة
ويستطرد الفنان عماد بعرور قائلاً
يا حلو يا محلى
وترد الرائعة مى عز
واعملك اللى لى

هكذا هى التجليات الأولى بما تحملة من التنبؤات الضيقة المتسعة السمية هكذا كان التعبير عن نبض الشارع ونقل الصورة بحذافيرها حقنًا للدماء وللبن والشاى الأخضر وصمتًا وتجاهلاً لكل ما لا يعنى هذا المجتمع .
السبكى الذى أفضى لنا بماسورة من الأفلام المضيئة كالورق السلوفان ولن تنتهى المسيرة الى هنا

حفظ الله المعلم السبكى وأولاده وأخوته وأولاد أعمامه وعماته وخالاته.
ولكن من يستحق الدعاء هو الرجل الحقيقى الذى لا نعرفه الذى أشار على المعلم السبكى الكبير بتحويل تجارته كليًا وجزئيًا وجغرافيًا وتاريخيًا إلى السينما حيث أنها رزق ولا أحد يرفض الرزق هذا الرجل هو من يستحق الدعاء
فادعوا له بكل ما لديكم
بكل ما لديكم

2007-09-02T15:09:00.000-07:00

دعــاء فـتـوح

شاعرة احتملت الشعر سنوات

فبدأ مشواره معها

مبروووك يا دعاء الديوان الأول

والجاى لسه كتيييير

بالمناسبة دى فى قصيدة معتبرها حصريًا عندى ملهاش علاقة بالديوان صحيح بس قصيدة فاجئتنى لما قريتها دعاء كتبتها كتعليق على بوست عندى أنا مسحت البوست وخدت القصيدة علشان أنشرها وأرجو ان دعاء تسمحلى بده

مشيوا ف هدوء

مفضلش من صوت الوداع

غير قلب أطري من احتمال المشي

وحدي

أهز منديل للي فاتوا

أخرج من عنيا عيال صغار

يتشعبطوا علي طرف منديلي

اللي كان لسه وحيد

واتملي بضحك السكك

أربط علي قلبي

مسافة باتساع السعي للملكوت

اوصل

اخاف

اخاف اوصل

لاترمي ف حضن اللي راح

ارجع انفض عيني

من عيل بليد

عمره ما عبر صح

تسأله وشك حزين ؟

يكتب

قلبي قالب سكر

اشتريت بكل دموعي سكر

بتسأل ليه ؟

يوم الاحد 19 اغسطس 2007 الساعة 7 مساء

دعاء فتوح

-----------------------------------------

بدعوكم كلكم لاحتفال بديوان دعاء

فى جلسة ثقافية

يوم السبت 8 سبتمبر الساعة 6

فى كافيتيريا المجلس الأعلى للثقافة

أتمنى أشوفكم هناك

تحياتى ليكى يا دعاء

وبالتوفيق

2007-08-15T18:16:00.000-07:00

هكذا لم يعد لدى القدرة

آه لو يعرف عم محمد الذى يقابلنى كل جمعه ويسألنى عن أبى الحقيقة

عم محمد الذى علمنى أشياء كثيرة كاتجويد وترتيل القرآن والصدق حتى ولو على رقبتى كما يقولون واحترام من لديه العلم و
أحب أبى فلم يكن يطلب شيئًا منه نظير تعليمى
يقابلنى بانتظام فى كل صلاة جمعة فى المسجد الكبير – مسجد الخطيب – يسلم علي بعد الصلاة ويمسك بأسفل ذقنى ويقول الشعر نبت أهه
كبرت يا واد
إزى أبوك عامل إيه؟
ممممممممممممممم
وأرد
بكل طلاقة ليس بعدها شىء ولا قبلها هامش للتفكير
الحمد لله أبويا بخير
بقى كويس جداا
ويقول سلملى عليه كتير
أرد إن شاء الله
هل سيغضب منى إن علم أن هذه الجمعة السابقة كانت الجمعة رقم 37 بعد وفاة أبى
هل سيغضب ؟
وماذا أقول له الآن
بدأت بفلتة لسان حين سألنى فى الجمعة الأولى بعد وفاته ووجدتنى كمن لم يعتاد الموت بعد يقول له
أبى بخير وهسلملك عليه
فلم أعد أستطيع من ساعتها أن أقول له الحقيقة
واستسهلت أن أقول حاضر سأسلم عليه
آه لو يعرف
ساعتها سيكون له الحق فى أن يفعل أى شىء
حتى أنه سيكون لديه القدرة على أن يبكى

2007-07-27T12:24:00.000-07:00

مستنى 1500 جنية

أنا فعلاً مستنى 1500 جنية ممكن يكونووا جاينلى فى السكة ( ان شا الله يا رب ) وعندى شوية حاجات مممممش

كتير محتاج اعملهم بـالــمبلغ ده : هجيب هارد للكمبيوتر بتاعى اللى انفجر بقاله كتييييير واجيب تليفون بدل السونى اريكسون اللى بيشتغل بمزاجه وبيعلق المكالمات بمزاجه ومظبطنيى واشحن تليفونى لحسن شركة موبينيل قربت تسبلى ميت دين من كتر ما شحنت ع الهوا وبعشرة جنيه أو ما شحنتش اصلاً والناس مشكورين مدينى فترة سماح لحد ما اموت وادى الخط لابنى ،أو أجيب بدلة جديدة وشوية تيشيرتات جديدة شوية أيوة طبعًا شوية أو أجيب دبلة وخاتم للبنت اللى بحبها واخطبها بقى لحسن الحاجات دى ما فيهاش فترة صلاحية زى موبينيل وأجيب 3 هدايا كويسين لأصحابى الثلاثة اللى بحبهم أوى ونفسى من زمان أجيب هدية لكل واحد منهم أو ادفع فلوس التمرين بتاعى واشترى بدلة تمرين جديدة وجو وتانتو لامؤاخذه يعنى عشان اعرف اتمرن كويس أو أدفع ألف جنية دين عليا لمحمود شيكو ومحدش يسأل مين محمود شيكو والباقى أخليه يكمل معايا شهر كمان مثلاً أو أدفع 450 جنية للأستاذ رضا المحامى باقى فلوسه عن إشهار دار النشر والباقى لايمان اختى الصغيرة لأنها كانت اديتنى الفلوس اللى كنت هديهاله واتصرفت طبعًا و أطبع ديوانى عشرين نسخة واديه لكتاب ونقاد واتحرك بيه كويس قبل ما يصدر أو أعمل مفاجأه مفجعة لنفسى مثلاً وادى الفلوس دى لدار نشر تطبع بيهم الكتاب وأبقى أقابلنى لو اطبع أو

أو

.........................

أو

............................

أو

..........................

أو

.....................................

أو

......................................

تفتكروا الـ 1500 جنيه هييجواا أساسًا ؟؟

هه.؟

2007-06-30T16:25:00.000-07:00

Search مـجـرد

إيه معنى انى اعمل بحث على كلمة " مصارع رومانى " يجيبلى الصور دى

2007-06-18T15:33:00.000-07:00

تخيل يا أبى .. كل هذا حدث

تزوجت مريم ابنة عم حمدى من شقيق إيهاب الأصغر. زوجة جمال ربيعى ستلد بعد شهرين . اختفت أم دينا وابنها الصغير ولا يعرف أحد مكانهما حتى تلك اللحظة. أم دينا التى كانت تمسك الجمعية ، هل تعتقد أن أحدهم خطفها ؟ يعرفون أن لديها الكثير من المال . بياض المسجد تغير والسجاد وكل شىء . الشيخ مصطفى عاد ، أنت تعلم من أين . رشاد لم يعد يتلعثم فى خطبة الجمعة . أكملت ديوانى الثانى ولم ينشر الأول بعد . شركة اتصالات نزلت السوق وجميع كروتها بدون ضريبة مبيعات. تركيا قصفت شمال العراق ، الأسباب كثيرة . هم فقط يعرفونها. تامر حسنى خرج وكسر الدنيا بفيلم واسطوانة جديدة ، ربنا أكرمه من وسع. زياد رحبانى لحن للطيفة.لبنان نفخت الفلسطينيين فى مخيم لا أذكر اسمه الآن. قصرت شعرى جدًا لعلك ترضى. عاد الألم لقدمى اليسرى، ركبتى تعاقبنى. الدستور يا أبى دستور مصر عدلوه.ذهبت إلى مسجد عمرو بن العاص عشرون مرة أو أكثر، نمت كثيرًا ، وجلست أمام أسواره حتى الثالثة فجرًا. سيغضبك هذا. البنت التى رأيتها معى، أحببتها أكثر وأكثر . هى أول من عرف بموتك. بكت وكأنها ابنتك. قمت فزعًا من نومى على صوت أكثر من أربعين(دى جى ) شارعنا كما تعرف أنت يحبون ال ( دى جى ) . قلعة الكبش لم تعد موجودة ، نقلوها بعد أن احترقت . لن تسأل أين قلعة الكبش . اشترينا مجموعة جوارب جديدة ولم يعد صوتنا يطلع أنا وأحمد فى مطلع كل نهار. أصبحنا أكثر صمتًا . أكتب عن الموت كثيرًا حتى أنى أخاف أن يصدر ديوانى

حلمت بكرة من السلك تسد الهواء تقترب منى مرتين أو ثلاث. وحلمت بك تؤسس بيتًا وتطعم ضيوفك. وحلمت بك تتخفى من الملائكة لترانا . وحلمت بك تمسك بشعرى وتقول ( قص شعرك ) . وحلمت بك تتعافى من مرضك. وحلمت بك تعاتبنى وتود أن تسبنى لولا أدبك . هل غضبت لأنى لم أبكك إلا دقيقتين . ربما . لكنها الأسباب ستقنعك . ألم يكن عبث الأطباء بك كافيًا لأحب أنا وأنت موتك. على أية حال أنا أبكى الآن. الأهلى فاز بالدورى. وخسر أمام الزمالك والاسماعيلى . آه ، ولعبنا مع برشلونة روقونا يا أبى . السماء لم تمطر لا فى ديسمبر ولا يناير ولا فبراير . أسست فرقة وسميتها مكعبات. حذفت بعض الأسماء من ذاكرة تليفونى. حدث كل هذا بعد موتك. ستة أشهر . أكتبها إليك فى يوم عيد ميلادك. كتبت كثيرًا فى تلك الستة أشهر . أكتب كثيرًا ربما من الخوف . ربما لأصل لشىء ما لا أعرفه . وكلما خرجت كلمة كلما اقتربت أكثر

من ماذا ؟

أنت فقط تعرف . فقط

وليس أنا

عذوبة الثرثرة فوق الحكى فوق مكعبات الرخام

2007-06-08T14:24:00.000-07:00

عذوبة الثرثرة

فى الحكى فوق مكعبات الرخام

الحكى. تلك المادة المشتعلة التى اقتربت منها نهى محمود فى روايتها الأولى الحكى فوق مكعبات الرخام وتعاملت معها بلطف شديد وكأنها تعرق ماهيتها تمامًا أو قررت أن تضع تصورًا لتلك المادة لديها. نقطة واحدة ينطلق منها الحكى وينتهى إليها. يداخلها ويختلط بها اختلاطًا كاملاً. نوع من الثرثرة المتعمدة.
اختارت الكاتبة أن تطمس به روح الحكى عن تلك الأحاسيس الت يسرد لها كل كاتب فى سياقات متعددة مبهمة ومخلوطة أحيانًا بأحاسيس أخرى.
واختارت الكاتبة أن تثرثر بتلك الأحاسيس كما هى دون أن تغلفها أو تصوغها فى أى سياقات مختلفة.
وعلى تلك الشعرة الرقيقة بين الحكى القصصى وبين الحكى الذاتى وقفت الكاتبة تداعب العاطفة بعذوبة. ترسم عالمًا صغيرًا موازيًا أحيانًا ومقتطعًا من عالم واقعى كبير فى أحيان أخرى.
تسهب فى تشكيل بطل هذا العالم الصغير وهو الوجع المطلق من الفقد والذى ينحى كل ما حوله جانبًا.
ترتكز على هذا البطل كل المكونات والأدوات التى استخدمتها الكاتبة فى تخليق روايتها مثل تقنية الحكى والتى جاءت شبيهة بنوع من تدوين المذكرات والتى من المفترض أن تجتر تلك التقنية مجموعة من الكلمات اللازمة فى تلك الحالة والتى تعبر عن نوع من الفضفضة والكلام المسترسل وغير المنظم فى بعض المواضع.
كذلك جاءت اللغة المستخدمة بسيطة لتلائم تلك التقنية فى الحكى.
جاء الحكى خارجيًا يتناول الأحاسيس فقط دون أن يتطرق إلى تفصيلات كان من الممكن أن تضفى نوعًا من المزج الجمالى وتخدم النص على عدة مستويات وتزيده عمقًا.

رواية الحكى فوق مكعبات الرخام محاولة جيدة لشحذ العاطفة لتذوق روائى من نوع خاص تداعب به نهى محمود الروايات الرومانسية القديمة بتقنية جاذبة ولغة سلسة تنبئ بوجود روائية تثق فى ملكة الحكى لديها وتراهن على قارئها وعلى ما لديه من ملكة الاستمتاع بالحى.

ــــــــــــــــــ
آه يا جماعة بالنسبة للبوست اللى فات حد قاللى إن الشخص ده اسمه فودافون لأنه بيطلع فى التلفزيون وبيقول إنه فودافون.

شكرًا

2007-05-20T15:00:00.000-07:00

يا جماعة ساعدونى

مش قادر / عمال أعصر دماغى علشان افتكر اسم الشخص ده

بس مش قادر

أعتقد انه واحد مشهور بس يمكن انا مش مركز

ارجوكو اللى عنده أى معلومات عن اسمه حتى يبعتلى

وربنا يجازيكوا خير

2007-05-16T16:36:00.000-07:00

إحترامًا لـ

Stephen R.Covey

مستر كوفى من أهم البشر اللى اتعرفت على أفكارهم فى حياتى

أزعم ان حياتى مشت فى توجه تانى مغاير للسابق بعد ما قريته

هو عالم أمريكى فى التنمية البشرية

كتابه ( العادات السبع للناس الأكثر فعالية ) بعتبره أهم كتاب قريته لحد اللحظة دى

أرجو انكم تطلعوا عليه

أوعدكم هتستفيدوا كتير

اللى ما يستفيدش يتواصل معايا ويشتمنى

مش هزعل

الكتاب فى مكتبة جرير وفى دار الشروق وأعتقد فى ديوان

2007-05-08T11:32:00.000-07:00

الحكى فوق مكعبات الرخام

فى ميريت

تناقش ندوة ميريت

رواية الحكي فوق مكعبات الرخام

يوم الأربعاء القادم 9- مايو

الساعة 7

دار ميريت للنشر

" شارع قصر النيل القاهرة" الدعوة عامة

2007-05-05T16:37:00.000-07:00

كل سنة وانتى طيبة

( البوست ده فى الفراغ )

عمركش حبيت إنسان ما شفتوش غير 3 مرات
_____________________

بحب المقولة اللى بتقول " ابدأ من حيث انتهى الآخرون

البوست ده خاص لإنسانة ليها مكان كبير جوايا أحبها جدًا وأحترمها . عيد ميلادها كان من كام يوم .

أنا عرفت بالصدفة ومالقتش حاجه فى إيدى أعملها غير انى أكتب البوست ده دلوقت ( اللى هيا ممكن ولا تعرف عنه حاجه أساسًا لا دلوقتى ولا بعدين )

يمكن معرفتى بعيد ميلادك هو اللى دفعنى انى أكتب

_______________________________________________

طب عمركش اتمنيت ان الإنسان اللى ما شفتوش غير 3 مرات ده يكون قريب ليك جدا من أهلك مثلاً

__________________________________________________

على اعتبار انها هتشوف البوست

" أنا اتمنيت انك تكونى أمى مع إنى ما شفتكيش غير 3 مرات وعلى فترات متباعده جدًا - عمرى ما حسيت ان ده كلام فارغ ولا أمنية وخلاص - كان كل اللى بيدور جوايا وكنت مصدقة أوى إنك عندك القدرة انك تفهمينى بكل حاجه فى تفكيرى وانى عندى نفس القدرة انى أفهمك . اتمنيتك أم فى لحظة وحسيت انك اتمنيتينى إبن فى نفس اللحظة "

_______________________________________________

الكلام ده كله اللى بيقولوا عليه ( بكبكه فى الفاضى ) كنت بقوله عشان حسيت انى محتاج اقوله وبس

ما كنتش عايز حاجه منه غير انى اقولك

كل سنة وانتى طيبة

واهى حاجه كنت شايلها جوايا

محدش بقى ضامن عمره

2007-04-29T14:41:00.000-07:00

دويـتـو

" محمد صلاح العزب - وليد خيرى "

أول ندوة لـ " ورقة وقلم فى الأتيلية "

يوم الأربعاء 2 /5 الساعة 7

يا ريت اشوفكوا هناك

محمد صلاح العزب

وليد خيرى

2007-04-29T14:24:00.000-07:00

مكـــعــبـات

أول حفلة

والبكرة هتكر حفلات بعد كده بقى

ساقية الصاوى27 أبريل 2007

2007-04-29T14:14:00.000-07:00

لانج /سيكا / جراس

مقال للقاص /محمد سيد

عجبنى أوى وحبيت تشوفوه معايا

لماذا أختار دى سيكا أن يكون مغتصب روزيتا مغربى؟ و بطرح أكثر إتساعا، ما علاقة السينما العالمية بالعرب؟ هل هى علاقة متبادلة أم أحادية؟ واقعية أم مزيفة؟ إيجابية أم سلبية؟

منذ بداية السينما نجد للعرب وجود واضح، ففى عصور الخطو الطفولى للسينما نجد فريتز لانج الألمانى برائعته " القدر" يوجد العرب و فى ذروة السينما فى السيتينيات مع إزدهار السينما الإيطالية و الفرنسية نجد العرب فى رائعة دى سيكا الإيطالى " امرأتان " و مع تدهور السينما مع الإجتياح الهوليودى نجد العرب بفيلم بول جرين جراس الأمريكى " المتحدة 93 ".
فى فيلم " القدر " لمخرجه فريتز لانج إنتاج 1929 نجده يصور العرب و كأنهم مازالوا فى العصر العباسى/ عصر أحداث ألف ليلة و ليلة، و لذا نفهم أنه – رغم عبقريته و نظريته السينمائية المهمة – لم يحتك بالعرب أو يشاهد أى بقعة عربية، و لذا أخرج صورة مزيفة للواقع العربى، صورة السلطان و جواريه مع تداخل لشرفة روميو – بين أحدى نساء السلطان و شاب فقير -، هذا يحدث نتيجة الجهل بما يريد الفنان أن يعبر عنه و هذا بالتأكيد قصور من لانج، لأنه كان يستطيع أن يتلاشى كل هذا الغلط بإختياره لحضارة أخرى يعرفها بدلا من تزييف الواقع الغير مقصود بسبب الجهل.
ثانى الأفلام التى سأتناولها هو فيلم " امرأتان " لمخرجه دى سيكا إنتاج 1962، لا نجد العرب سوى فى مشهد واحد و ربما يرد على البعض قائلين أن مشهد واحد لا يعبر عن نظرية و لكن عندما نعرف أن هذا المشهد هو ذروة الفيلم بأكمله، بل و يدعى بعض النقاد أنه ذروة العصر الحديث بأكمله، فهو أصدق مثال لإنهيار الحضارة الغربية بسبب الحرب العالمية الثانية. نجد مجموعة من الجنود المغاربة يدخلون على امرأة و ابنتها – التى لم تتعد الثالثة عشر بعد – بكنيسة كانوا يحتمون بها، فيغتصبوا كلتاهما، بوحشية و بربرية ( نسبة إلى الكلمة اليونانية بربر التى كانت تعنى الغير يونانى أو الآخر ) مقصود إيضاحها. و هذا عرض سلبى للعرب بينما بقية الحلفاء و خاصة الأمريكيون يقذفون لهم بالطعام خلال أحداث الفيلم. كما أشار إدوارد سعيد فى إستشراقه – هذا الكتاب الذى فتح على مغاليق كثيرة – يؤكد على أن الجنس يلعب دورا أساسيا بين الشرق و الغرب و نجد فى هذا المشهد الجنس و الدين، سقف الكنيسة المثقوب تماثلا مع جسد روزيتا – ذات الثلاثة عشر عاما - المنتهك، كل هذا يحيل إلى أن الشرق ذو الذكورة المفعمة لا يستطيع السيطرة على نفسه أمام أنوثة الغرب مجدفا بأى دين، يذكرنى هذا برواية الطيب صالح " موسم الهجرة إلى الشمال " و يذكرنى بحدث واقعى تماما و هو حدث الأميرة ديانا ( فى الأساطير اليونانية ديانا هى القمر و هى إلهة الحب و الجمال و القمر فى اللغات الغربية مؤنث و لكن فى العربية مذكر ) و دودى الفايد.
الفيلم الثالث هو " المتحدة 93 " لمخرجه بول جرين جراس إنتاج 2006 و هو فيلم أتخذ موقعه بسرعة فى صدارة أفضل الأفلام بسبب إنتاجه الهوليودى و بسبب موضوعه الخاص بيوم الحادى عشر من سبتمر عام 2001 أو يوم سقوط برجى التجارة العالمى . نجد هنا أحادية الحدث و التفكير، فلا نجد و لو إشارة بسيطة لعرب منتقضين لقتل الآلاف من الأمريكيين... بل نجد تصميم على توضيح لا إنسانية العرب.
أحيانا يستخدم الفنان الكاميرا القريبة لا لإيضاح مميزات الشئ و لكن لإيضاح عيوبه – مثلما فعل سام ميندز فى فيلمه " الجمال الأمريكى " و هو من الأفلام النادرة التى تقترب من المجتمع الأمريكى لتبين عيوبه - و هذا ما حاول مخرج الفيلم فعله، فقد حكى فيلمه بزاوية أيما تقترب إلى العرب/ الإرهابيين. فأظهر عيوبهم و أغفل عن قصد خواصهم

الإنسانية المميزة و فى المقابل أخرج الأمريكيون أبطالا يضحون بأنفسهم ليحيا الآخرون.

" عن نشرة الجلسة الثقافية"

2007-04-25T15:55:00.000-07:00

حد بيخاف م الأسانسير زيي ؟

ها

حد قال أيوه ؟

أنا عن نفسى أتمنى محدش يكون قال أيوه

_______________________

صديق قديم ما بشوفوش من كتييييير قالى إن لما تحب تتعامل مع الدنيا بجد أوى ابقى اعمل نفسك بتهزر معاها واعمل اللى انت عايزه

والعكس بالظبط وكان قصده تقريبًا انك تتطبق ده على كل حاجه

مع الاسف انا ما سمعتش كلامه

______________________

ازاى تتعامل مع إحساس فقدك لانسان وخصوصًا لو كان صديق؟

أتمنى انه يكون بيقرا دلوقت اللى انا كتبته

ياريت يكون عنده إجابة ولو بكلام غريب زى اللى انا ما نفزتهوش قبل كده

صاحبى القديم ده لو قلتله انى من نص ساعة كنت راكب أسانسير وروحى بتتسحب لفوق ولتحت وانا نايم ف سريرى

وسألنى ليه ده كله

وقلتله انى مش عارف اعمل عبيط مع الدنيا المرة دى وكأن ما فيش حاجه

لو قلتله انى حاسس بخوف شديد لانى فقدت انسان ما صاحبى

لو قلتله كده

هيقول كلااااااااااام مش هينفع اكتبه ( ده مبدئيًا )وبعدها هيحس جواه انه مش ندمان على انه ما تواصلش معايا خلال السنين اللى فاتت

وبعدها هيقولى فكك

واعمل نفسك بتهزر وانت بتتكلم بجد

والعكس تمام

يا بخته

_________________________

2007-04-21T21:38:00.000-07:00

مسطرة

الناس اللى بيختلفوا على انك
عايش اصلاً
أو مش عايش
ما بيفتكروش من وشك غير
ضحكة
وسذاجة نظرة بتبعت أحاسيس بالكوم
ما بيفتكروش منك
غير كلمه اتقالت على غفلة
مش محسوبة
ولا كان قصدك تنطقها
ولا ترتب إيه اللى هيحصل بعديها
ما بيختلفوش على إنك
سايب ضلك يترصد للدنيا
يطلع فـ لسانه ويضحك
ويغيظها
على إن الناس اختلفوا
إن كان
- عايش أصلاً
أو مش عايش
وانها وبكل ما فيها
مش فارقه معاه

2007-04-21T21:24:00.000-07:00

لو بس هيا ما تزعلش

دايمًا لما افكر وانا رايق شوية وابقى مش ناوى أجيبها لبر انا ودماغى دىفى اللى جاى ده إن كان فى تتفرد أدامى صورة ملونه شويه فيها

واحده أعتقد انها مراتى تقريبًا ( تخيلات بقى ) وفى بين إيديا طفل صغنوون وجميل ( تخيلات جداا)أفكر علطول ( ده وانا فى الحقيقة بقى ) انا أحب انى اتجوز أكتر ولا أحب ان يبقى عندى طفل وبأقصى سرعة بلسانى وبكل حاجه عندى الاقينى بقول ( طفل طبعًا)واقول جوايا يااااااااه لو الواحد يقدر يكون عنده طفل إبن أو بنت من غير ما يتجوز( أنا مش ناقص ) بتبقى أحسن لحظة عندى فى حياتى لما طفل صغير ما يكنش لسه بيتكلم والاقيه بيبصلى وبيبتسم بيبقى نفسى أضمه ليا أوى وبس مابيبقاش نفسى فى أى شىء من الدنيا أصلاً .. واهى بتعدى اللحظة دى على اى حال وبعدها افكر انى لازم امشى التطور الطبيعى للمرور الكريم أتجوز ويبقى عندى بامبينو إن أمكنفعشان اصبر نفسى أقوم اقول بسرعه ماهو الطفل اللى شفته بيبتسم ده لو كان بيتكلم ما يمكن كان بدل ما ضحكلى كان شتمنى زى باقى الأطفال لما بتكبر هنا وفى الدنيا كلها
فاسكت وابتسم

2007-04-12T11:47:00.000-07:00

شنطة وضبة ومفتاح

(شعر العامية بطريقة محمد عز الدين)

يوم الأحد 15 أبريل فى متحف الفن الحديث بدار الأوبرا الساعة 7 هيحتفل محمد عزالدين بأول "بامبينو" المولود اسمه "شنطه وضبه ومفتاح " حبيبى المبتسم محمد عز يارب نحتفل معاك بالديوان ال20 - بطريقتك الجميلة فى كتابة العامية المصرية - الغلاف الجميل ده للفنانه " أمينه" - تحياتى -

مبروك يا عزوووو - وأتمنى أشوفكوا هناك

2007-04-12T11:15:00.000-07:00

"الحكى فوق مكعبات الرخام"

صدرت عن دار ميريت رواية الحكى فوق مكعبات الرخام للروائية الصديقه نهى محمود

مبرررووووووووك يا نهى الغلاف جميل " تحياتى للفنان احمد اللباد" ولروايتك اللى خلته يطلع الغلاف ده

أنا لسه ما قريتش بس حبيت أعرفكم ان الروايه صدرت ويا رب تكون بداية ناجحة لمجموعة روايات لنهى

مبروك تانى.

2007-04-12T10:44:00.000-07:00

"جزمة واحدة مليئة بالأحداث "

( الواقع فى مخيلة باسم شرف)

أولاً مبروك للكاتب الجميل باسم شرف على المجموعة المسرحية " جزمة واحدة

مليئة بالأحداث" وإن كانت مبروك دى متأخرة شويه - وثانيًا أنا حضرت مناقشة الكتاب يوم الأربعاء 12 أبريل فى مكتبة مبارك وحقيقى كانت مناقشة جيدة جدا كانت من خلال " الشاعر تامر عبد الحميد والروائى طارق إمام " اللى أشاروا لنقاط كتير فى النصوص اللى ممكن تفتح سكك كتير جدا فى قراءة وتلقى نص باسم شرف - اللى كنت حاسه وكنت مبسوط بيه وانا فى المناقشه إن فى كاتب مسرحى مجدد (و تجريبى إن جاز التعبير ) فاهم هوا بيعمل إيه وعنده أسس عن المسرح سواء الكلاسيكى أوالتجريبى أو العبثى وان النصوص اللى فى المجموعه كانت نتاج معرفة ما ومحاوله لدعم سير اتجاه كتابه فى المسرح ما كانتش مجرد تجريب .

مبروك تانى يا باسم إنت جميل ككاتب وكإنسان .

وان شاء الله يكون فى مجموعات جايه كتير.

2007-04-11T16:04:00.001-07:00

شكرًا لشيطانى الجميل

قعدت أفكر كتير أكتب إيه في أول بوست ليا في المدونة الجديدة دي مالقيتش أحسن من إني أشكر شيطاني الجميل

اللطيف على حاجتين عشان ما احسش اني قليل الأصل وباقل معاه ..

أول حاجة منهم أشكره على انه قعد كتير يزن عليا لحد ما عملت المدونة اللي انتوا شايفينها دي عشان اكتب فيها حاجات ماكنتش باقولها.. وتاني حاجة أشكره عليها - شكر عميق- إنه أوحالي - ودي طبعا مش جمع وحل - بشيء لطيف زيه - تقريبا لقاني متضايق شوية فمشكورا حب يساعدني -

ان الانسان عشان يتخلص من احساس ما يكون كابس عليه لازم يوصل نفسه لمرحلة شديدة جدا من الدخول في الإحساس ذاته، ودا بصراحة لمس على تفكير بيدور جوايا من فترة ملخصه إن:

الإيغال في الحزن هو الشيء الوحيد القادر على كسر الحزن

والإيغال في الفرح هو الشيء الوحيد القادر على كسر الالفرح

والإيغال في البكاء هو الشيء الوحيد القادر على كسر البكاء

والإيغال في الصمت هو الشيء الوحيد القادر على كسر الصمت

وهكذا...........

( ولا مؤاخذة على استخدام كلمة " الإيغال " بس احسن ما استخدم كلمة يسوء فيها ولا يزودها )

مش عارف الكلام دا صح ولا غلط لكن كل شيء بيتعرف بالتجربة .. وادينا بنفكر مع بعض..

على اي حال انا حاسس اني مش قليل الاصل خالص لاني شكرت شيطاني على الحاجتين اللي بيلعب في دماغي بيهم بقاله فترة

ويارب يهمد ...